Kafli 85 Rafbúnaður og -tæki og hlutar til þeirra; hljóðupptöku- og hljóðflutningstæki, mynda- og hljóðupptökutæki og mynda- og hljóðflutningstæki fyrir sjónvarp, og hlutar og fylgihlutir til þess konar vara

FLOKKUR XVI
Vélbúnaður og vélræn tæki; rafbúnaður; hlutar til þessara vara;
hljóðupptöku- og hljóðflutningstæki, mynda- og hljóðupptöku-
tæki og mynda- og hljóðflutningstæki fyrir sjónvarp, og hlutar
og fylgihlutir til þess konar vara

Athugasemdir:

1.      Til þessa flokks telst ekki:

a.      Belti eða reimar fyrir drifbúnað eða færibönd, úr plasti í 39. kafla eða vúlkaníseruðu gúmmíi (nr. 4010), eða aðrar vörur úr óhertu vúlkaníseruðu gúmmíi sem notaðar eru í vélbúnað, vélræn tæki, rafmagnstæki eða til annarra tækninota, úr vúlkaníseruðu gúmmíi öðru en harðgúmmíi (nr. 4016).

b.      Vörur úr leðri eða samsettu leðri (nr. 4205) eða úr loðskinni (nr. 4303) sem notaðar eru í vélbúnað, vélræn tæki eða til annarra tækninota.

c.      Kefli, spólur, snældur, keilur, leggir, rúllur eða áþekkar uppistöður úr hvers konar efni (t.d. 39., 40., 44. eða 48. kafli eða flokkur XV).

d.      Götuð spjöld í Jacquardvélar eða áþekkar vélar (t.d. 39. eða 48. kafli eða flokkur XV).

e.      Belti eða reimar fyrir drifbúnað eða færibönd úr spunaefni (nr. 5910) eða aðrar vörur úr spunaefni til tækninota (nr. 5911).

f.       Eðalsteinar eða hálfeðalsteinar (náttúrlegir, syntetískir eða endurgerðir) í nr. 7102 til 7104, eða vörur sem að öllu leyti eru gerðar úr slíkum steinum í nr. 7116, þó ekki óupp­settir unnir safírar og demantar í hljóðnálar (nr. 8522).

g.      Hlutar til almennra nota, eins og þeir eru skýrgreindir í 2. athugasemd við flokk XV, úr ódýrum málmi (flokkur XV) eða áþekkar vörur úr plasti (39. kafli).

h.      Borpípur (nr. 7304).

ij.      Endalaus belti úr málmvír eða málmræmum (flokkur XV).

k.      Vörur í 82. eða 83. kafla

l.       Vörur í flokki XVII.

m.     Vörur í 90. kafla.

n.      Klukkur, úr og aðrar vörur í 91. kafla.

o.      Skiptiverkfæri í nr. 8207 eða burstar til nota sem hlutar til véla (nr. 9603). Áþekk skiptiverkfæri flokkast eftir meginefni í hinum vinnandi hluta þeirra (t.d. í 40., 42., 43., 45. eða 59. kafla eða nr. 6804 eða 6909).

p.      Vörur í 95. kafla.

[q.      Ritvélaborðar eða áþekk bönd, einnig á spólum eða í hylkjum (flokkast eftir því efni sem þetta er aðallega gert úr, eða í nr. 9612 ef blekborið eða unnið á annan hátt til áprentunar), eða einfætur, tvífætur og þrífætur og áþekkar vörur í nr. 9602.][1]

2.      Leiði ekki annað af 1. athugasemd við þennan flokk, 1. athugasemd við 84. kafla og 1. athugasemd við 85. kafla flokkast hlutar til véla (sem ekki eru hlutar til vara í nr. 8484, 8544, 8545, 8546 eða 8547) svo sem hér segir:

a.      Hlutar sem eru vörur meðtaldar í einhverju af vöruliðum 84. eða 85. kafla (þó ekki nr. 8409, 8431, 8448, 8466, 8473, 8487, 8503, 8522, 8529, 8538 og 8548) flokkast alltaf í viðkomandi vöruliði.

b.      Aðrir hlutar sem eingöngu eða aðallega má nota við ákveðna vél eða fleiri vélar sem teljast til sama vöruliðar (þar með taldar vélar í nr. 8479 eða 8543) flokkast með þeim vélum eða í nr. 8409, 8431, 8448, 8466, 8473, 8503, 8522, 8529 eða 8538 eftir því sem við á. [Hlutar sem jöfnum höndum má nota í vörur í nr. 8517 og 8525 til 8528 skal flokka í nr. 8517, og hlutar sem eingöngu eða aðallega er hægt að nota í vörur í nr. 8524 skulu flokkaðar í nr. 8529.][2]

c.      Allir aðrir hlutar teljast til nr.  8409, 8431, 8448, 8466, 8473, 8503, 8522, 8529 eða 8538 eftir því sem við á eða, verði því ekki við komið, í nr. 8487 eða 8548.

3.      Leiði ekki annað af orðalagi flokkast vélasamstæður, settar saman í eina heild úr tveimur eða fleiri vélum og aðrar vélar hannaðar til að framkvæma tvö eða fleiri verkatriði, saman eða sér, eins og eingöngu væri um að ræða þann vélarhluta eða þá vél sem gegnir höfuðhlutverkinu.

4.      Sé vél (þar með taldar samsettar vélar) gerð úr sjálfstæðum hlutum (hvort sem þeir eru aðskildir eða tengdir með pípum, tengslum, rafmagnsköplum eða öðrum búnaði), sem ætlað er sameiginlega að framkvæma skýrt skilgreint verkatriði sem einn af vöruliðum 84. eða 85. kafla taka til, skal hún í heild flokkast undir þann vörulið sem höfðar til þess verk­atriðis.

5.      Sem vél í athugasemdum þessum teljast hverskonar vélar; vélbúnaður, vélakostur, áhöld, tækjabúnaður eða tæki sem getið er í vöruliðum 84. eða 85. kafla.

[6.       A.     Hvarvetna í tollskránni tekur orðasambandið rafmagns- og rafeindaúrgangur og -rusl  til rafmagns- og rafeindasamsetninga, prentrásaplatna og rafmagns- eða rafeindavara sem:

1.   gert hefur verið ónothæft til þess sem það upphaflega var ætlað, með niðurrifi, niðurskurði eða á annan hátt eða svarar ekki kostnaði að gera við, standsetja eða endurnýja til þess að gera það hæft til upphaflegra nota, og

 2.  pakkað er eða flutta með þeim hætti að ekki sé ætlunin að koma í veg fyrir skemmdir á einstökum vörum við lestun og losun.

          B.     Blandaðar sendingar með rafmagns- og rafeindaúrgangi og -rusli og öðrum úrgangi og rusli skal flokkað í nr. 8549.

          C.     Þessi flokkur tekur ekki til sorps bæjar- og sveitarfélaga eins og það er skilgreint í 4. athugasemd við 38. kafla.][3]

85. KAFLI
Rafbúnaður og -tæki og hlutar til þeirra; hljóðupptöku- og hljóðflutningstæki, mynda- og hljóðupptökutæki og mynda- og hljóðflutningstæki
fyrir sjónvarp, og hlutar og fylgihlutir
til þess konar vara

Athugasemdir:

1.      Til þessa kafla telst ekki:

a.      Rafmagnshitaðar ábreiður, hitapúðar, fótahitarar eða þess háttar; rafmagnshitaður fatn­aður, skófatnaður eða eyrnaskjól eða aðrar rafmagnshitaðar vörur sem menn hafa á sér eða um sig.

b.      Glervörur í nr. 7011.

c.      Vélar og tækjabúnaður í nr. 8486.

d.      Sogbúnaður notaður í lyflækninga-, skurðlækninga-, tannlækninga- eða dýralækn­ingavísindum (vöruliður 9018).

e.      Rafmagnshituð húsgögn í 94. kafla.

2.      Til nr. 8501-8504 teljast ekki vörur sem lýst er í nr. 8511, 8512, 8540, 8541 eða 8542.

Kvikasilfursafriðlar, innbyggðir í málmhylki, teljast þó til nr. 8504.

[3.      Sem rafgeymar í 8507 teljast einnig rafgeymar sem framvísað er með fylgihlutum, sem gegna hlutverki við virkni rafgeynisins við geymslu og orkugjöf eða vernd fyrir skemmdum, eins og rafmagnstenglum, hitastýribúnaði (t.d. hitanemar) og búnaði til verndar rafrásum. Þeim mega einnig fylgja hluti hlífa þeirra vara sem þær eru ætlaðar til.][1]

[4.][2]   Til nr. 8509 teljast aðeins eftirgreindar rafmagnsvélar sem almennt eru til heimilisnota:

a.      Bónvélar, hakkavélar og hrærivélar fyrir matvæli, og ávaxtapressur eða jurta­safapressur, hver sem þungi þeirra er.

b.      Aðrar vélar, enda séu þær ekki meira en 20 kg að þyngd.

Til nr. 8509 teljast þó ekki viftur eða loftræstiháfar eða gufugleypar, einnig með síu (nr. 8414), miðflóttaaflsþurrkarar fyrir tau (nr. 8421), uppþvottavélar (nr. 8422), heimilis­þvotta­vélar (nr. 8450), valsa- eða aðrar strauvélar (nr. 8420 eða 8451), saumavélar (nr. 8452), rafmagns­skæri (nr. 8467) eða rafmagnshitatæki (nr. 8516).

[5.      Sem snjallsímar í nr. 8517 teljast símar fyrir farsímanet með farsímastýrikerfi sem hannað er til að framkvæma aðgerðir sjálfvirkrar gagnavinnsluvélar eins og að hala niður og keyra fjölda forrita samtímis, þ. á m. forrit þriðja aðila, einnig með öðrum búnaði eins og starfrænum myndavélum og leiðsögukerfum.][3]

[6.][4]   Í nr. 8523 er með:

a.      geymin hálfleiðaraminni (solid-state non-volatile storage devices) (t.d. flassminniskort (flash memory cards) eða rafræn flassminniskort (flash electronic storage cards) átt við minnisbúnað með tengli, með einu eða fleiri flassminniskortum í sama hylki (t.d. FLASH E PROM) í formi samrása á prentrásarplötum. Hann getur falið í sér stýribúnað í formi samrásar og aðgreindra óvirkra hluta, svo sem þétta og viðnáma;

b.      gjörvakorti (smart-card) átt við kort ívafið einni eða fleiri rafeindasamrásum (örgjörva, slembitengiminni (RAM) eða lesminni (ROM)) í formi flaga. Kort þessi geta verið með snertum, segulrönd eða ívafsfálmurum en ekki neinum öðrum virkum eða óvirkum rásareiningum.

[7.      Sem flatskjáreiningar (flat panel display modules) í 8524 teljast tæki eða búnaður til að birta upplýsingar, útbúnir að minnsta kosti með skjá sem hannaður eru til ísetningar í aðrar vörur í öðrum vöruliðum fyrir notkun. Skjáir fyrir  flatskjáreiningar ná til, en eru ekki takmarkaðir við, þeirra sem eru flatir, bognir, sveigjanlegir (flexible), sambrjótanlegir eða teygjanlegir að formi til. Í flatskjáreiningum geta verið viðbótareiningar, þ. á m. þær sem nauðsynlegar eru til móttöku á myndmerkjum og deilingu þeirra í díla (pixels) á skjánum. Vöruliður 8524 tekur þó ekki til skjáeininga sem búnar eru íhlutum til að breyta myndmerkjum (t.d. IC-kvarða (scaler IC), IC-aflóðara (decoder IC) eða forritagjörva (application processer) eða hafa öðlast einkenni vara í öðrum vöruliðum.

Við flokkun á flatskjáreiningum, sem skýrgreindir eru í þessari athugasemd, skal nr. 8524 ganga fyrir öllum öðrum vöruliðum tollskrárinnar.][5]

[8.][6]   Sem prentrásir í nr. 8534 teljast rásir sem gerðar eru með því að mynda á einangrandi undirlagi með hvers konar prentunaraðferð (t.d. upphleypingu, málmhúðun eða ætingu) eða með himnurásatækni, leiðara, snertur eða aðrar prentaðar einingar (t.d. spólur, viðnám eða þétta), einar sér eða samtengdar eftir fyrirfram ákveðnu mynstri, þó ekki ein­ingar sem geta framleitt, afriðað, mótað eða magnað rafmagnsmerki (t.d. hálfleiðarar).

Orðið prentrásir nær hvorki til rása í sambandi við aðrar einingar en þær sem fengnar eru við prentunina, né heldur til stakra, aðgreindra viðnáma, þétta eða spóla. Prentrásir mega þó hafa tengiliði sem ekki eru prentaðir.

Þunn- eða þykkhimnurásir, sem samanstanda af virkum og óvirkum einingum sem myndaðar eru á sama tæknilega framleiðslustigi, skulu teljast til nr. 8542.

[9.][7]   Sem tengi fyrir ljóstrefjar, ljóstrefjabúnt eða ljósleiðara í nr. 8536 teljast tengi sem einfaldlega beinlínutengja vélrænt ljóstrefjarenda við enda í stafrænt línukefi. Þau gegna ekki neinu öðru hlutverki, eins og mögnun, endurgerð eða breytingu merkis.

[10.][8]Nr. 8537 tekur ekki til þráðlauss búnaðar fyrir innrauða geisla til fjarstýringar sjónvarps­móttakara eða annarra rafmagnstækja (nr. 8543).

[11.    Sem díóðuljósgjafar (LED) í nr. 8539 teljast:

a.      Ljósdíóðueiningar (LED) sem eru rafljósgjafar búnar til úr ljósdíóðum (LED) og komið er fyrir í rafrásum og í eru fleiri íhlutir eins og raf-, vél-, hita- eða ljóseiningar. Þær eru með frekari stakrænt virkar einingar, stakrænt óvirkar einingar, eða vörur í nr. 8536 eða 8542 til þess að sjá fyrir aflgjafa eða aflstýringu. Ljósdíóðueiningar (LED) eru ekki með hettu (cap) til þess að auðvelda uppsetningu eða endurnýjun í ljósabúnaði og tryggja vélrænt samband eða rafsamband.

b.      Ljósdíóðuperur (LED) sem eru ljósgjafar með einni eða fleiri LED-einingum auk íhluta eins og raf-, vél-, hita- eða ljóseininga. Munurinn á  ljósdíóðueiningum (LED) og ljósdíóðuperum (LED) er sá að á perum eru hettur (caps) til þess að auðvelda uppsetningu eða endurnýjun í ljósabúnaði og tryggja vélrænt samband eða rafsamband.        

[12.][9]Í nr. 8541 og 8542 er með:

[a.     1.    hálfleiðurum er átt við hálfleiðarabúnað sem vinnur samkvæmt breytingum á eðlisviðnámi, vegna áhrifa rafsviðs eða breyta (transducers) að stofni til úr hálfleiðurum.

Hálfleiðarar geta einnig tekið til samstæðna fjöleininga, með eða án virks eða óvirks búnaðarstoðaðgerða.

Breytar að stofni til úr hálfleiðurum eru, til skýringar, nemar (sensors), vakar (actuators), hermar (resonators) og sveiflugjafar (oscillators) að stofni til úr hálfleiðurum, sem eru tegundir af stakrænum hálfleiðarabúnaði sem framkvæma eigin hlutverk, sem geta breytt hvers konar eðlisfræðilegum eða efnafræðilegum fyrirbærum eða virkni í rafmerki eða í hvers konar vélfræðilegt fyrirbæri eða virkni.     

Allar einingar í breytum (transducers) sem að stofni til eru úr hálfleiðurum eru samtengdar á órúfanlegan hátt og geta einnig verið með nauðsynlegum efnum órjúfanlega áfestum.

Með eftirfarandi orðasamböndum er átt við:

1.   að stofni til úr hálfleiðara þýðir byggður eða framleiddur á hálfleiðara­undirlag eða gerður úr hálfleiðaraefni, framleiddur með hálfleiðaratækni, þar sem hálfleiðara­undir­lag eða -efni gegnir þýðingarmiklu og ómissandi hlutverki í virkni og hæfni breytis, og notkun þeirra er byggð á eiginleikum hálfleiðara, m.a. vélrænum, rafrænum, kemískum og optískum eiginleikum; 

2.   eðlisfræðileg eða efnafræðileg fyrirbæri vísar til fyrirbæra eins og þrýstings, hljóðbylgna, hröðunar, titrings, hreyfingar, röðunar, álags, styrks segulsviðs, styrks rafsviðs, ljóss, geislavirkni, raka, flæðis, efnastyrk, o.s.frv;

3.   nemar að stofni til úr hálfleiðurum er tegund hálfleiðarabúnaðar sem gerður er úr öreindafræðilegri eða vélfræðilegri smíði sem mynduð er í massa eða er á yfirborði hálfleiðara og gegnir því hlutverki að nema eðlisfræðilegar eða efnafræðilegar stærðir og breyta þeim í rafmerki sem stafa af breytum í rafeiginleikum eða færslu vélfræðilegar smíðar;

4.   vakar að stofni til úr hálfleiðurum er tegund hálfleiðarabúnaðar sem gerður er úr öreindafræðilegri eða vélfræðilegri smíði sem mynduð er í massa eða er á yfirborði hálfleiðara og gegnir því hlutverki að breyta rafmerkjum í eðlisfræðilega hreyfingu;

5.   hermar að stofni til úr hálfleiðurum er tegund hálfleiðarabúnaðar sem gerður er úr öreindafræðilegri eða vélfræðilegri smíði sem mynduð er í massa eða er á yfirborði hálfleiðara og gegnir því hlutverki að framleiða vélfræðilegar sveiflur eða rafsveiflur að fyrirfram ákveðinni tíðni sem háð er eðlisrúmfræði þessarar smíð sem svar við ytri orku;

6.   sveiflugjafar að stofni til úr hálfleiðurum er tegund hálfleiðarabúnaðar sem gerður er úr öreindafræðilegri eða vélfræðilegri smíði sem mynduð er í massa eða er á yfirborði hálfleiðara og gegnir því hlutverki að framleiða vélfræðilegar sveiflur eða rafsveiflur að fyrirfram ákveðinni tíðni sem háð er eðlisrúmfræði þessarar smíð.

2.     Ljósdíóður (LED) eru hálfleiðarabúnaður á hálfleiðaraefni sem breyta raforku í sýnilega, innrauða eða útfjólubláa geisla, einnig rafrænt tengdar hver annarri og einnig vardíóðu. Í ljósdíóðum (LED) í nr. 8541 eru ekki aflgjafar eða aflstýringar.][10]

b.      rafeindasamrásum átt við:

1.     einsteina samrásir (monolithic integrated circuits) þar sem rásaeiningarnar (díóður, smárar, viðnám, þéttar, spanrásir o.s.frv.) eru myndaðar í massa (fyrst og fremst) og á yfirborði hálfleiðara eða sambyggðra hálfleiðara (t.d. íblönduðu sílíkoni, gallíum arsenídi, silíkon germaníum, indíum fosfati) og eru óaðskiljan­lega tengdar;

2.   blandaðar samrásir (hybrid integrated circuits) þar sem hinar óvirku rásaeiningar (viðnám, þéttar, spanrásir o.s.frv.), myndaðar með þunn- eða þykkhimnutækni, og hinar virku rásaeiningar (díóður, smárar, einsteina samrásir o.s.frv.), myndaðar með half­leið­ara­tækni, eru sameinaðar á bókstaflega órjúfanlegan hátt á einu einangr­ andi undirlagi (gleri, leir o.s.frv.). Þessar rásir mega einnig innihalda aðgreinda hluta;

3.   fjölflögurásir sem samanstanda af einum eða fleiri samtengdum einsteina samrásum sameinaðar á bókstaflega órjúfanlegan hátt, einnig á einangrandi undirlagi, með eða án blýramma, en án virkra eða óvirkra rásaeininga;

[4.  fjölhluta samrásir (MCO): samstæða úr einni eða fleiri einsteina, blandaðra eða fjölflögu samrásum með að minnsta kosti einn eftirtalinna hluta: nemum (sensors), vökum (actuators), sveiflugjöfum (oscillators), hermum (resonators) eða samstæðu úr þeim, að stofni til úr silíkoni, eða samstæðum sem framkvæma hlutverk vara sem flokka má undir vöruliði 8523, 8533 eða 8541, eða spankefla í vörulið 8504. Formaðar í þeim eina tilgangi og ætlan og óumdeilanlega í einn hlut sem samrás, sem hlut til samsetningar á prentrásaplötu (PCB) eða annan rafbera með tengingu pinna, lista, bolta, landa, bóla eða púða.

Í sambandi við þessa skilgreiningu:

1.   mega hlutar vera stakrænir, framleiddir hver fyrir sig og síðan settir saman á fjölhluta samrás eða sameinaðir öðrum hlutum,

2.   merkir að stofni til úr silíkoni, byggður á silíkonundirlag eða gerður úr silíkonefni eða framleiddur á samrása blokk,

[3.   a.   merkir nemar að stofni til úr silíkon öreindafræðilega eða vélfræðilega smíð sem mynduð er í massa eða á yfirborð hálfleiðara og gegna því hlutverki að nema eðlisfræðilegar eða efna­fræðilegar stærðir og breyta þeim í rafmerki sem stafa af breytum í rafeiginleikum eða færslu vélfræðilegrar smíðar. Eðlisfræðilegar eða efnafræðilegar stærðir á við eiginleg fyrirbæri, eins og þrýsting, hljóðbylgjur, hröðun, titring, hreyfingu, röðun, álag, styrk segulsviðs, styrk rafsviðs, ljós, geislavirkni, raka, flæði, efnastyrk, o.s.frv.,][11]

b.   merkir vakar að stofni til úr silíkon öreindafræðileg eða vélfræðilega smíð sem mynduð er í massa eða á yfirborð hálfleiðara og gegna því hlutverki að nema eðlisfræðilegar eða efna­fræðilegar stærðir og breyta þeim í rafmerki,

c.   merkir hermar að stofni til úr silíkon öreindafræðilega eða vélfræðilega smíð sem myndaður er í massa eða á yfirborð hálfleiðara og gegna því hlutverki að framleiða vélfræðilegar eða efnafræðilagar sveiflur að fyrirfram ákveðinni tíðni sem háð er eðlisrúmfræði þessarar smíð sem svar við ytri orku,

d.   merkir sveiflugjafar að stofni til úr silíkon virka hluta sem myndaðir eru í massa eða á yfirborð hálfleiðara og gegna því hlutverki að framleiða vélrænar eða rafrænar sveiflur að fyrirfram ákveðinni tíðni sem háð er eðlisrúmfræði þessarar smíðar.][12]

Við flokkun á vörum, sem skýrgreindar eru í þessari athugasemd, skulu nr. 8541 og 8542 ganga fyrir öllum öðrum vöruliðum í tollskránni, þó ekki nr. 8523, sem kann að eiga við um þær eink­um með tilvísun til tilgangs þeirra.

[...][13]

[Athugasemdir við undirliði:][14]

[1.      Undirliður 8525.81 tekur aðeins til háhraða sjónvarpsmyndavéla, stafrænna myndavéla og myndbandstökuvéla enda sé eitt eða fleira eftirfarandi einkennandi fyrir þær:

¿       skráningarhraði sé meiri en 0,5 mm á míkrósekúndu;

¿       tímaupplausn 50 nanósekúndur eða minna;

¿       rammatíðni meiri en 225.000 rammar á sekúndu.

2.      Að því er varðar undirlið 8525.82 eru geislavarðar eða geislaþolnar sjónvarpsmyndavélar, stafrænar myndavélar og myndbandstökuvélar hannaðar eða skermaðar til notkunar í hágeislaumhverfi. Myndavélarnar eru hannaðar til þess að þola heildargeislaskammt sem sé að minnsta kosti 50 × 10³ Gy(silicon) (5 × 10⁶ RAD (silicon)) án rekstarstöðvunar.  

3.      Undirliður 8525.83 tekur til kvikmyndavéla, stafrænna myndavéla og myndbands­tökuvéla fyrir nætursjón (night vision), sem nota ljósskaut til þess að breyta tiltæku ljós í rafeindir sem hægt er að magna og breyta til að búa til sýnilega mynd. Þessi undirliður tekur ekki til hitamyndavéla (almennt undirliður 8525.89).][15]

[4.][16]  Til nr. 8527.12 teljast aðeins snælduspilarar með innbyggðum magnara, án innbyggðs hátalara, sem geta gengið án ytri raforkugjafa, og eru ekki meira en 170 mm x 100 mm x 45 mm að stærð.

[5.      Sem notuð frumrafhlöð, notaðar frumrafhlöður og notaðir rafgeymar í nr. 8549.11 til 8549.19 telst þessi búnaður ef hann er ónothæfur sökum bilunar, niðurrifs, slits eða af öðrum ástæðum og ekki endurhleðsluhæfur.][17]