Kafli 84 Kjarnakljúfar, katlar, vélbúnaður og vélræn tæki; hlutar til þeirra

FLOKKUR XVI
Vélbúnaður og vélræn tæki; rafbúnaður; hlutar til þessara vara;
hljóðupptöku- og hljóðflutningstæki, mynda- og hljóðupptöku-
tæki og mynda- og hljóðflutningstæki fyrir sjónvarp, og hlutar
og fylgihlutir til þess konar vara

Athugasemdir:

1.      Til þessa flokks telst ekki:

a.      Belti eða reimar fyrir drifbúnað eða færibönd, úr plasti í 39. kafla eða vúlkaníseruðu gúmmíi (nr. 4010), eða aðrar vörur úr óhertu vúlkaníseruðu gúmmíi sem notaðar eru í vélbúnað, vélræn tæki, rafmagnstæki eða til annarra tækninota, úr vúlkaníseruðu gúmmíi öðru en harðgúmmíi (nr. 4016).

b.      Vörur úr leðri eða samsettu leðri (nr. 4205) eða úr loðskinni (nr. 4303) sem notaðar eru í vélbúnað, vélræn tæki eða til annarra tækninota.

c.      Kefli, spólur, snældur, keilur, leggir, rúllur eða áþekkar uppistöður úr hvers konar efni (t.d. 39., 40., 44. eða 48. kafli eða flokkur XV).

d.      Götuð spjöld í Jacquardvélar eða áþekkar vélar (t.d. 39. eða 48. kafli eða flokkur XV).

e.      Belti eða reimar fyrir drifbúnað eða færibönd úr spunaefni (nr. 5910) eða aðrar vörur úr spunaefni til tækninota (nr. 5911).

f.       Eðalsteinar eða hálfeðalsteinar (náttúrlegir, syntetískir eða endurgerðir) í nr. 7102 til 7104, eða vörur sem að öllu leyti eru gerðar úr slíkum steinum í nr. 7116, þó ekki óupp­settir unnir safírar og demantar í hljóðnálar (nr. 8522).

g.      Hlutar til almennra nota, eins og þeir eru skýrgreindir í 2. athugasemd við flokk XV, úr ódýrum málmi (flokkur XV) eða áþekkar vörur úr plasti (39. kafli).

h.      Borpípur (nr. 7304).

ij.      Endalaus belti úr málmvír eða málmræmum (flokkur XV).

k.      Vörur í 82. eða 83. kafla

l.       Vörur í flokki XVII.

m.     Vörur í 90. kafla.

n.      Klukkur, úr og aðrar vörur í 91. kafla.

o.      Skiptiverkfæri í nr. 8207 eða burstar til nota sem hlutar til véla (nr. 9603). Áþekk skiptiverkfæri flokkast eftir meginefni í hinum vinnandi hluta þeirra (t.d. í 40., 42., 43., 45. eða 59. kafla eða nr. 6804 eða 6909).

p.      Vörur í 95. kafla.

[q.      Ritvélaborðar eða áþekk bönd, einnig á spólum eða í hylkjum (flokkast eftir því efni sem þetta er aðallega gert úr, eða í nr. 9612 ef blekborið eða unnið á annan hátt til áprentunar), eða einfætur, tvífætur og þrífætur og áþekkar vörur í nr. 9602.][1]

2.      Leiði ekki annað af 1. athugasemd við þennan flokk, 1. athugasemd við 84. kafla og 1. athugasemd við 85. kafla flokkast hlutar til véla (sem ekki eru hlutar til vara í nr. 8484, 8544, 8545, 8546 eða 8547) svo sem hér segir:

a.      Hlutar sem eru vörur meðtaldar í einhverju af vöruliðum 84. eða 85. kafla (þó ekki nr. 8409, 8431, 8448, 8466, 8473, 8487, 8503, 8522, 8529, 8538 og 8548) flokkast alltaf í viðkomandi vöruliði.

b.      Aðrir hlutar sem eingöngu eða aðallega má nota við ákveðna vél eða fleiri vélar sem teljast til sama vöruliðar (þar með taldar vélar í nr. 8479 eða 8543) flokkast með þeim vélum eða í nr. 8409, 8431, 8448, 8466, 8473, 8503, 8522, 8529 eða 8538 eftir því sem við á. [Hlutar sem jöfnum höndum má nota í vörur í nr. 8517 og 8525 til 8528 skal flokka í nr. 8517, og hlutar sem eingöngu eða aðallega er hægt að nota í vörur í nr. 8524 skulu flokkaðar í nr. 8529.][2]

c.      Allir aðrir hlutar teljast til nr.  8409, 8431, 8448, 8466, 8473, 8503, 8522, 8529 eða 8538 eftir því sem við á eða, verði því ekki við komið, í nr. 8487 eða 8548.

3.      Leiði ekki annað af orðalagi flokkast vélasamstæður, settar saman í eina heild úr tveimur eða fleiri vélum og aðrar vélar hannaðar til að framkvæma tvö eða fleiri verkatriði, saman eða sér, eins og eingöngu væri um að ræða þann vélarhluta eða þá vél sem gegnir höfuðhlutverkinu.

4.      Sé vél (þar með taldar samsettar vélar) gerð úr sjálfstæðum hlutum (hvort sem þeir eru aðskildir eða tengdir með pípum, tengslum, rafmagnsköplum eða öðrum búnaði), sem ætlað er sameiginlega að framkvæma skýrt skilgreint verkatriði sem einn af vöruliðum 84. eða 85. kafla taka til, skal hún í heild flokkast undir þann vörulið sem höfðar til þess verk­atriðis.

5.      Sem vél í athugasemdum þessum teljast hverskonar vélar; vélbúnaður, vélakostur, áhöld, tækjabúnaður eða tæki sem getið er í vöruliðum 84. eða 85. kafla.

[6.       A.     Hvarvetna í tollskránni tekur orðasambandið rafmagns- og rafeindaúrgangur og -rusl  til rafmagns- og rafeindasamsetninga, prentrásaplatna og rafmagns- eða rafeindavara sem:

1.   gert hefur verið ónothæft til þess sem það upphaflega var ætlað, með niðurrifi, niðurskurði eða á annan hátt eða svarar ekki kostnaði að gera við, standsetja eða endurnýja til þess að gera það hæft til upphaflegra nota, og

 2.  pakkað er eða flutta með þeim hætti að ekki sé ætlunin að koma í veg fyrir skemmdir á einstökum vörum við lestun og losun.

          B.     Blandaðar sendingar með rafmagns- og rafeindaúrgangi og -rusli og öðrum úrgangi og rusli skal flokkað í nr. 8549.

          C.     Þessi flokkur tekur ekki til sorps bæjar- og sveitarfélaga eins og það er skilgreint í 4. athugasemd við 38. kafla.][3]

84. KAFLI
Kjarnakljúfar, katlar, vélbúnaður og vélræn tæki; hlutar til þeirra

Athugasemdir:

1.      Til þessa kafla telst ekki:

a.      Kvarnasteinar, hverfisteinar eða aðrar vörur í 68. kafla.

b.      Vélbúnaður eða tæki (t.d. dælur) úr leir og leirhlutar til vélbúnaðar eða tækja úr hvers konar efni (69. kafli).

c.      Búnaður úr gleri fyrir rannsóknarstofur (nr. 7017); vélbúnaður, tæki eða aðrar vörur til tækninota eða hlutar til þeirra, úr gleri (nr. 7019 eða 7020).

d.      Vörur í nr. 7321 eða 7322 eða áþekkar vörur úr öðrum ódýrum málmi (74.-76. eða 78.-81. kafli).

e.      Ryksugur í nr. 8508.

f.       Vélræn rafmagnsheimilistæki í nr. 8509; stafrænar myndavélar í nr. 8525.

[g.       Vatnskassar til vara í flokki XVII.

h.][1]   Handknúnir vélrænir gólfsópar, án hreyfils (nr. 9603).

[2.      Leiði ekki annað af 3. athugasemd við flokk XVI og 11. athugasemd við þennan kafla, skal vél eða tæki sem svarar til lýsingar í einu eða fleiri af nr. 8401 til 8424 eða nr. 8486 og jafnframt lýsingar í einu eða fleiri af nr. 8425 til 8480 teljast eftir því sem við á til númers í fyrr nefndu númeralotunni eða nr. 8486 en ekki til síðarnefndu númeralotunnar.

          A.     Til nr. 8419 telst þó ekki:

a.   Spírunartæki, útungunartæki eða ungamæður (nr. 8436);

b.   kornrakavélar (nr. 8437):

c.   flæðitæki (diffusing apparatus) til sykursafaframleiðslu (nr. 8438);

d.   vélbúnaður til hitameðferðar á spunagarni, dúk eða tilbúnum spunavörum (nr. 8451); eða

e.   vélbúnaður, vélakostur eða búnaður fyrir rannsóknarstofur, hannað til vélrænnar vinnslu, þar sem hitabreytingar gegna aukahlutverki, jafnvel þótt nauðsynlegar séu.

          B.     Til nr. 8422 telst ekki:

a.   Saumavélar til lokunar á pokum eða áþekkum ílátum (nr. 8452).

b.   Skrifstofuvélar í nr. 8472.

          C.     Til nr. 8424 teljast ekki:

a.   Bleksprautuprentvélar (nr. 8443).

b.   Vatnsþrýstiskurðarvélar (8456).][2]

3.      Vélar til smíða úr hvers konar efni sem svara til lýsingar í nr. 8456 og jafnframt til lýsingar í nr. 8457, 8458, 8459, 8460, 8461, 8464 eða 8465 skulu flokkast í nr. 8456.

4.      Til nr. 8457 teljast eingöngu vélar til smíða úr málmi, þó ekki rennibekkir (þar með taldar rennimiðstöðvar) sem geta framkvæmt mismunandi vélavinnu annaðhvort:

a.      með sjálfvirkri verkfæraskiptingu úr magasíni eða þess háttar í samræmi við vélvinnslu­forrit (vélvinnslumiðstöð);

b.      með sjálfvirkri notkun, samtímis eða raðbundið, mismunandi staðalhausa sem vinna úr verkefni í ákveðinni stöðu (einingasmíðavélar, einstöðuvélar); eða

c.      með sjálfvirkum tilflutningi verkefnisins að mismunandi staðalhausum (fjölstöðu­færslu­vélar).

[5.     Sem skurðarsamstæða í nr. 8462 fyrir flatar vörur telst vinnslusamstæða sem saman stendur af afvindu, vafningsfletjara, skurðarvél og ávindu. Lengdarskurðarvél fyrir flatar vörur er vinnslusamstæða sem saman stendur af afvindu, vafningsfletjara og skurðavél.][3]

[6.][4]  A.     Sem sjálfvirkar gagnavinnsluvélar í nr. 8471 teljast vélar sem geta:

1.   geymt vinnsluforrit eða forrit og að minnsta kosti þau gögn sem beint eru nauðsynleg til að láta forritið vinna;

2.   verið auðveldlega for­ritaðar í samræmi við óskir notandans;

3.   framkvæmt talnaútreikning samkvæmt ákvörðun notandans;

4.   framkvæmt, án mannlegra afskipta, vinnsluforrit sem gerir ráð fyrir að þær geti breytt úrvinnslu sinni með rökrænni ákvörðun á meðan á vinnslu stendur.

          B.     Sjálfvirkar gagnavinnsluvélar geta verið í formi kerfa sem samsett eru úr breytilegum fjölda sérstæðra eininga.

          C.     Leiði ekki annað af D- og E-lið hér á eftir skal eining talin hluti sjálfvirkrar gagnavinnsluvélar ef hún uppfyllir öll eftirtalin skilyrði:

1.   Hún sé þeirrar gerðar sem aðallega eða eingöngu er notuð í gagnavinnslukerfi.

2.   Hún sé tengjanleg við miðstöð, annaðhvort beint eða í gegnum aðra einingu eða einingar.

3.   Hún geti tekið á móti gögnum eða sent þau frá sér í því formi (tákn- eða merkjamáli) sem kerfið getur notað.

Einingar gagnavinnsluvélar sem framvísað er stökum skulu flokkast í nr. 8471.

Lyklaborð, inntakstæki fyrir X-Y hnit og diskageymslueiningar sem uppfylla skilyrði 2. og 3. töluliðar C-liðar hér á undan skulu í öllum tilfellum flokkast sem einingar í nr. 8471.

          D.     Til nr. 8471 telst þó ekki eftirtalið sem framvísað er stöku, þrátt fyrir að uppfylla öll þau skilyrði sem kveðið er á um í [C-lið 6.][5] athugasemdar hér að framan:

1.   Prentarar, afritunarvélar, myndsendar, einnig sambyggt.

2.   Tæki til sendingar eða móttöku á máli og myndum, þar með talið tæki til samskipta á línu eða þráðlausu neti (svo sem staðtengdu neti eða víðneti).

3.   Hátalarar og hljóðnemar.

4.   Sjónvarpsmyndavélar; stafrænar myndavélar og myndbandstökuvélar.

5.   Skjáir og myndvarpar, ekki búin sjónvarpsmóttökubúnaði.

          E.      Vélar sem framkvæma tiltekið verkatriði annað en gagnavinnslu og fela í sér eða vinna í tengslum við sjálfvirka gagnavinnsluvél skulu flokkaðar í viðeigandi vörulið með tilliti til verkatriðis þeirra eða, verði því ekki komið við, í lokavöruliði.

[7.][6]   Til nr. 8482 teljast m.a. fágaðar stálkúlur, enda sé frávik frá uppgefnu þvermáli hvergi meira en 1% eða meira en 0,05 mm eftir því hvort er minna. Aðrar stálkúlur skulu flokkaðar í nr. 7326.

[8.][7]   Vél sem notuð er í fleiri en einum tilgangi flokkast þannig að litið er á höfuðnotkun hennar sem einu notkunina.

Leiði ekki annað af 2. athugasemd við þennan kafla og 3. athugasemd við flokk XVI, eða af orðalagi, flokkast vél í nr. 8479 ef höfuðnotkun hennar er ekki lýst í vörulið eða engin ein notkun hennar er höfuðnotkun.

Til nr. 8479 teljast einnig vélar til framleiðslu á reipum eða köðlum (t.d. þættingar-, tvinnunar- og kaðalfléttivélar) úr málmvír, spunagarni eða hvers konar öðru efni eða úr blöndu slíkra efna.

[9. ][8]  Hugtakið í vasastærð í nr. 8470 tekur aðeins til véla sem eru ekki meira en 170 mm x 100 mm x 45 mm að stærð.

[10.    Sem viðbætandi framleiðsla (einnig nefnd þrívíddarprendun) í nr. 8485 telst gerð hlutar, sem byggður er á stafrænu líkani, með því að bæta við hverju laginu á eftir öðru og binda og bræða saman úr efni (t.d. málmi, plasti eða keramik).

Leiði ekki annað af 1. athugasemd við flokk XVI og 1. athugasemd 84. kafla skulu vélar sem svara til lýsingarinnar í nr. 8485 flokkaðar í þann vörulið en ekki neinn annan vörulið tollskrárinnar.][9]           

[[11.][10]A.  Athugasemd [12, a- og b-liður][11] við 85. kafla, gildir einnig að því er varðar orðin hálfleiðarabúnaður og rafeindasamrás, eftir því sem við á, eins og þau eru notuð í þessari athugasemd og í nr. 8486. Orðið hálfleiðarabúnaður í þessari athugasemd og í nr. 8486 tekur einnig til ljósnæms hálfleiðarabúnaðar og ljósdíóða (LED)][12].

          B.     Í athugasemd þessari og nr. 8486 tekur orðasambandið framleiðsla á flatskjám til framleiðslu á undirlagi í flatskjá. Það tekur ekki til framleiðslu á gleri eða samsetningu á prentrásaplötum eða öðrum rafeindahlutum í flatskjáinn. Orðið flatskjár tekur ekki til sveifluskjátækni (cathode-ray tube technology).

          C.     Nr. 8486 tekur einnig til véla og tækjabúnaðar eingöngu eða aðallega til nota við:

1.   framleiðslu eða viðgerða á möskum og netlíki,

2.   samsetningu á hálfleiðarabúnaði eða rafeindasamrásum

3.   að lifta, meðhöndla, hlaða eða afhlaða hálfleiðarasúlur (boules), hálfleiðaraskífur (wafers), hálfleiðarabúnað, rafeindasamrásir og flatskjái.

          D.     Leiði ekki annað af 1. athugasemd við flokk XVI og 1. athugasemd við 84. kafla skal undantekningarlaust flokka vélar og tækjabúnað, sem svarar til lýsingar í nr. 8486, í það númer.

Athugasemdir við undirliði:

[1.      Sem vélsmíðamiðstöðvar í undirlið 8465.20 teljast aðeins vélar til smíða úr viði, korki, beini, harðgúmmíi, harðplasti eða áþekkum hörðum efnum sem framkvæmt geta mismunandi vélavinnu með sjálfvirkri verkfæraskiptingu úr magasíni eða þess háttar í samræmi við vélvinnsluforrit.

2.][13]  Sem kerfi í nr. 8471.49 teljast sjálfvirkar gagnavinnsluvélar með einingum sem uppfylla skilyrði [C-liðar 6.][14] athugasemdar við 84. kafla og fela í sér a.m.k. miðstöð, eina inntakseiningu (t.d. lyklaborð eða skanna) og eina úttakseiningu (t.d. myndskjá eða prentara).

[3.      Sem lokar fyrir olíuvökva- eða loftskiptingar í undirlið 8481.20 teljast lokar sem einkum eru notaðir í vökvaflskiptingar fyrir vökva- eða loftkerfi þar sem orkugjafinn er í formi þjappaðs vökva (í fljótandi formi eða gas). Lokar þessir geta verið af hvaða gerð sem er (t.d. þrýstiléttar, einstefnulokar). Undirliður 8481.20 gengur fyrir öllum öðrum undirliðum í vörulið 8481.

4.][15]  Undirliður 8482.40 tekur aðeins til lega með sívölum keflum, jöfnum að þvermáli, sem er ekki yfir 5 mm og að lengd að minnsta kosti þrefalt þvermálið. Endar keflanna mega vera rúnnaðir.

[1] Sbr. 1. gr. auglýsingar nr. 123/2016 (A-deild Stjórnartíðinda, gildistökudagur 1. janúar 2017).

[2] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[3] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[4] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[5] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[6] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[7] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[8] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[9] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[10] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[11] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[12] Sbr. 1. gr. auglýsingar nr. 123/2016 (A-deild Stjórnartíðinda, gildistökudagur 1. janúar 2017).

[13] Sbr. 1. gr. auglýsingar nr. 123/2016 (A-deild Stjórnartíðinda, gildistökudagur 1. janúar 2017).

[14] Sbr. 60. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[15] Sbr. 1. gr. auglýsingar nr. 123/2016 (A-deild Stjórnartíðinda, gildistökudagur 1. janúar 2017).