Kafli 90 Áhöld og tækjabúnaður til optískra nota, ljósmyndunar, kvikmyndunar, mælinga, prófunar, nákvæmnivinnu, lyflækninga eða skurðlækninga; hlutar og fylgihlutir til þeirra.

Engar athugasemdir

90. KAFLI
Áhöld og tækjabúnaður til optískra nota, ljósmyndunar,
kvikmyndunar, mælinga, prófunar, nákvæmnivinnu,
lyflækninga eða skurðlækninga;
hlutar og fylgihlutir til þeirra.

Athugasemdir:

1.      Til þessa kafla telst ekki:

a.      Vörur til nota í vélum, tækjum, áhöldum eða til annarra tæknilegra nota, úr vúlkaníser­uðu gúmmíi öðru en hertu gúmmíi (nr. 4016), úr leðri eða samsettu leðri (nr. 4205) eða úr spunaefni (nr. 5911).

b.      Aðhaldsbelti eða aðrar vörur til aðhalds úr spunaefni, enda byggist áhrif þeirra á líffæri þau sem þær halda að eða styðja við, eingöngu á teygjanleika þeirra (t.d. meðgöngubelti, brjóstholsbindi, magabindi og liðamóta- eða vöðvabindi) (flokkur XI).

c.      Eldfastar vörur í nr. 6903; leirvörur fyrir rannsóknarstofur eða til kemískra eða annarra tæknilegra nota í nr. 6909.

d.      Glerspeglar, ekki optískt unnir í nr. 7009, eða speglar úr ódýrum málmi eða góðmálmi, þó ekki optískar vörur (nr. 8306 eða 71. kafli).

e.      Vörur í nr. 7007, 7008, 7011, 7014, 7015 eða 7017.

[f.     Hlutar til almennra nota eins og þeir eru skýrgreindir í 2. athugasemd við flokk XV, úr ódýrum málmi (flokkur XV), eða áþekkar vörur úr plasti (39. kafli). Þó skulu vörur, sem sérstaklega eru hannaðar eingöngu til nota sem ígræði (implants) til lyflækninga, skurðlækninga, tannlækninga eða dýralækninga, flokkaðar í nr. 9021.][1]

g.      Dælur með mælitækjum í nr. 8413; talningar- eða eftirlitsvogir og vogarlóð sem fram­vísað er aðskildu (nr. 8423); vélbúnaður til lyftingar eða meðhöndlunar (nr. 8425-8428); hvers konar pappírs- eða pappaskurðarvélar (nr. 8441); búnaður til að stilla efni eða [verkfæri í smíðavélar eða vatnsþrýstiskurðarvélar][2] í nr. 8466, þar með talinn búnaður með optískum tækjum til að lesa á mælikvarða (t.d. optískir deilihausar) þó ekki sá búnaður sem í sjálfu sér er fyrst og fremst optískt áhald (t.d. stillisjónaukar); reiknivélar (nr. 8470); lokar eða önnur tæki í nr. 8481; vélar og tækjabúnaður (einnig tækjabúnaður til að varpa eða teikna rásamynstur á næmt hálfleiðaraefni) í nr. 8486.

h.      Leitarljós eða kastljós til nota á reiðhjól eða vélknúin ökutæki (nr. 8512); ferða­raflamp­ar í nr. 8513; kvikmyndahljóðupptökutæki, -hljóðflutningstæki eða -endur­upptökutæki (nr. 8519); hljóðhausar (nr. 8522); sjónvarpsmyndavélar, stafrænar myndavélar og myndbands­tökuvélar í nr. 8525; ratsjártæki, radíóleiðsögutæki eða radíófjarstýri­tæki (nr. 8526); tengi fyrir ljóstrefjar, ljóstrefjabúnt eða ljósleiðara (nr. 8536); talnastjórntöflur í nr. 8537; ein­angraðar geislalampaeiningar í nr. 8539; ljós­leiðarar í nr. 8544.

ij.      Leitarljós eða kastljós í nr. 9405.

k.      Vörur í 95. kafla.

[l.        Einfætur, tvífætur og þrífætur og áþekkar vörur í nr. 9620.

m.     Mæliker sem flokkast eftir því efni sem þau eru gerð úr.

n.][3]   Spólur, kefli eða áþekkar uppistöður (sem flokkast eftir því efni sem það er gert úr, t.d. nr. 3923 eða flokk XV).

2.      Leiði ekki annað af 1. athugasemd hér á undan skulu hlutar og fylgihlutir, sem eru einungis eða aðallega nothæf við vélar, tæki, áhöld eða vörur í þessum kafla, flokkast samkvæmt eftirfarandi reglum:

a.      Hlutar og fylgihlutir sem eru vörur meðtaldar í einhverjum vöruliðum þessa kafla eða 84., 85. eða 91. kafla (þó ekki nr. 8487, 8548 eða 9033) skulu í öllum tilvikum flokkast í viðeigandi vöruliði.

b.      Aðrir hlutar og fylgihlutir sem eingöngu eða aðallega eru nothæfir til tiltekinnar vélar, áhalds eða tækis eða til nokkurra véla, áhalda eða tækja í sama vörulið (þar með talið vél, áhald eða tæki í nr. 9010, 9013 eða 9031) skulu flokkast með þeim tegundum véla, áhalda eða tækja.

c.      Allir aðrir hlutar og fylgihlutir skulu flokkast í nr. 9033.

3.      Ákvæði 3. og 4. athugasemdar við flokk XVI gilda einnig um þennan kafla.

4.      Til nr. 9005 telst ekki sjónaukasigti á vopn, sjónpípur eða sjónaukasigti á kafbáta eða skriðdreka eða sjónaukar á vélar, tæki, áhöld eða tækjabúnað í þessum kafla eða flokki XVI. Þessi sjónaukasigti og sjónauka skal flokka í nr. 9013.

5.      Optísk áhöld, tæki eða vélar til mælingar eða prófunar sem flokka mætti í bæði nr. 9013 og 9031 skulu flokkast í nr. 9031.

6.      Sem búnaður til réttilækninga í nr. 9021 telst búnaður:

¿       til að koma í veg fyrir eða bæta úr líkamlegri bæklun, eða

¿       til að styðja við eða halda upp líkamshlutum eftir veikindi, uppskurði eða slys.

Búnaður til réttilækninga tekur til skófatnaðar og sérstaks skóinnleggs sem hannað er til að bæta úr bæklun, enda sé búnaður þessi annað gerður eftir máli eða fjöldaframleiddur, honum sé framvísað sem aðskildu stykki en ekki sem pari og hönnun sé þannig að hann hæfi jafnt hvorum fæti.

7.      Til nr. 9032 telst einungis:

a.      Áhöld og tæki til sjálfvirkrar stjórnunar á flæði, hæð, þrýstingi eða öðrum breytum í vökvum eða gasi eða til sjálfvirkrar stjórnunar á hitastigi, einnig þótt rafmagnsfyrirbæri hafi áhrif á notkun þeirra, misjafnlega mikið eftir þeim þætti sem á að stjórna sjálfvirkt, sem hönnuð eru til að koma þessum þætti í og viðhalda honum í því gildi sem óskað er og halda honum stöðugum frá frávikum, með því að mæla raungildið sífellt eða með reglulegu millibili.

b.      Sjálfvirkir stillar fyrir rafmagnsstærðir og áhöld eða tækjabúnaður til sjálfvirkrar stjórn­unar á stærðum sem ekki eru rafmagnsstærðir, enda hafi rafmagnsfyrirbæri áhrif á notk­un þeirra, misjafnlega mikið eftir þeim þætti sem stjórna á, sem hannað er til að koma þessum þætti í og viðhalda honum í því gildi sem óskað er og halda honum stöðugum frá frávikum, með því að mæla raungildið sífellt eða með reglulegu millibili.