Kafli 59 Gegndreyptur, húðaður, hjúpaður eða lagskipaður spunadúkur; spunavörur til notkunar í iðnaði

FLOKKUR XI
Spunaefni og spunavörur

 

Athugasemdir:

1.      Til þessa flokks telst ekki:

a.      Burstir eða hár af dýrum til burstagerðar (nr. 0502); hrosshár eða hrosshársúrgangur (nr. 0511).

b.      Mannshár eða vörur úr mannshári (nr. 0501, 6703 eða 6704), þó ekki [síudúkur, fínn eða grófur][1], venjulega notaður í olíupressur eða þess háttar (nr. 5911).

c.      Baðmullardúnn eða önnur efni úr jurtaríkinu í 14. kafla.

d.      Asbest í nr. 2524 eða vörur úr asbesti eða aðrar vörur í nr. 6812 eða 6813.

e.      Vörur í nr. 3005 eða 3006; garn til nota við hreinsun milli tanna (tannþráður), í aðgreindum smásöluumbúðum, í nr. 3306.

f.       Ljósnæm spunaefni í nr. 3701-3704.

g.      Einþáttungar sem hvarvetna eru meira en 1 mm í þvermál eða ræmur eða þess háttar (t.d. gervistrá) sýnilega meira en 5 mm að breidd, úr plasti (39. kafli), eða fléttur eða dúkur eða aðrar körfugerðarvörur eða tágasmíði úr slíkum einþáttungum eða ræmum (46. kafli).

h.      Ofinn, prjónaður eða heklaður dúkur, flóki eða vefleysa, gegndreypt, húðað, hjúpað eða lagskipað með plasti, eða vörur úr slíkum efnum, í 39. kafla.

ij.      Ofinn, prjónaður eða heklaður dúkur, flóki eða vefleysur, gegndreypt, húðað, hjúpað eða lagskipað með gúmmíi, eða vörur úr slíkum efnum, í 40. kafla.

k.      Húðir eða skinn með tilheyrandi hári eða ull (41. eða 43. kafli) eða vörur úr loðskinni, loðskinnsgervi eða vörur úr því í nr. 4303 eða 4304.

l.       Vörur úr spunaefnum í nr. 4201 eða 4202.

m.     Framleiðsla eða vörur í 48. kafla (t.d. sellulósavatt).

n.      Skófatnaður eða hlutar til skófatnaðar, ökkla- eða legghlífar eða áþekkar vörur í 64. kafla.

o.      Hárnet eða annar höfuðfatnaður eða hlutar til hans í 65. kafla.

p.      Vörur í 67. kafla.

q.      Spunaefni húðað slípiefni (nr. 6805) og einnig kolefnistrefjar eða vörur úr kolefnis­trefjum í nr. 6815.

r.       Glertrefjar eða vörur úr glertrefjum, þó ekki útsaumur gerður úr glerþráðum á sjáanleg­um grunni úr dúk (70. kafli).

s.       Vörur í 94. kafla (t.d. húsgögn, rekkjubúnaður, [ljós og ljósbúnaður][2]).

t.       Vörur í 95. kafla (t.d. leikföng, leikspil, íþróttabúnaður og net).

[u.      Vörur í 96. kafla (t.d. burstar, saumasett til nota á ferðalögum, rennilásar, ritvélaborðar, dömubindi og tíðatappar, bleiur og bleiufóður.][3]

v.      Vörur í 97. kafla.

2.      A.     Vörur sem geta flokkast í 50.-55. kafla eða í nr. 5809 eða 5902 og eru úr tveimur eða fleiri spunaefnum skulu flokkast eins og þær væru eingöngu úr því spunaefni sem mest er af í vörunni miðað við þyngd.

                   Þegar ekki er meira af einu spunaefni en öðru í vöru miðað við þyngd skulu þær flokkaðar eins og þær væru eingöngu úr því spunaefni sem telst til þess vöruliðar sem síðastur er þeirra vöruliða sem að jöfnu koma til álita.

          B.     Framangreindri reglu skal beita þannig:

a.   Garn úr yfirspunnu hrosshári (nr. 5110) og málmgarn (5605) skulu skoðast sem sérstakt spunaefni og þungi þess teljast sem samanlagður þungi efnisþáttanna. Við tollflokkun á ofnum dúk ber að telja málmþráð sem spunaefni.

b.   Réttur vöruliður skal fundinn með því að ákvarða fyrst kaflann og síðan viðeig­andi vörulið í þeim kafla, án tillits til efna sem ekki flokkast í þann kafla.

c.   Þegar 54. og 55. kafli tengjast báðir einhverjum öðrum kafla skulu 54. og 55. kafli skoðast sem einn kafli.

d.   Þegar tilgreind er í kafla eða vöruliði vara úr mismunandi spunaefnum skulu slík efni skoðast sem eitt spunaefni.

          C.     Ákvæði í A- og B-liðum hér að ofan taka einnig til garns sem um getur í 3., 4., 5. eða 6. athugasemd hér á eftir.

3.      A.     Sem seglgarn, snæri, reipi og kaðlar í þessum flokki, þó með þeim undantekningum sem greinir í B-lið hér á eftir, telst garn (einþráða, margþráða (snúið) eða kaðal­brugðið) sem svarar til neðangreindra vörulýsinga:

a.   Úr silki eða silkiúrgangi og mælist meira en 20.000 decitex.

b.   Úr tilbúnum trefjum (þar með talið garn úr tveim eða fleiri einþáttungum í 54. kafla) og mælist meira en 10.000 decitex.

c.   Úr hampi eða hör:

1.   Fægt eða gljáð og mælist meira en 1.429 decitex.

2.   Hvorki fægt né gljáð og mælist meira en 20.000 decitex.

d.   Úr kókostrefjum úr þrem eða fleiri þáttum.

e.   Úr öðrum trefjum úr jurtaríkinu og mælist meira en 20.000 decitex.

f.    Styrkt með málmþræði.

          B.     Undantekningar:

a.   Garn úr ull eða öðru dýrahári og pappírsgarn, þó ekki garn styrkt með málmþræði.

b.   Tilbúnir vöndlar í 55. kafla og margþátta garn, ósnúið eða með minna en 5 snún­ingum á metra, í 54. kafla.

c.   Silkiormaþarmar í nr. 5006 og einþáttungar í 54. kafla.

d.   Málmgarn í nr. 5605. Garn styrkt með málmþræði fellur undir f-lið A-liðar hér að ofan.

e.   Chenillegarn, yfirspunnið garn og lykkjurifflað (loop wale) garn í nr. 5606.

4.      A.     Sem garn umbúið til smásölu í 50., 51., 52., 54. og 55. kafla, með þeim undantekn­ingum sem greinir í B-lið hér að neðan, telst garn (einþráða, margþráða (snúið) eða kaðalbrugðið) þannig umbúið:

a.   Á spjöldum, keflum, hólkum eða þess konar uppistöðum og vegur (að meðtalinni uppistöðu) ekki meira en:

1.   85 g sé það úr silki, silkiúrgangi eða tilbúnum þáttum.

2.   125 g sé það úr öðru efni.

b.   Í hnyklum, hönkum eða hespum og vegur ekki meira en:

1.   85 g sé það úr tilbúnum þáttum sem eru minna en 3.000 decitex, silki eða silkiúrgangi.

2.   125 g þegar um er að ræða annað garn sem er minna en 2.000 decitex.

3.   500 g sé það úr öðru efni.

c.   Í hönkum eða hespum sem saman standa af smærri hönkum eða hespum aðskildum með skiptiþráðum í sjálfstæðar einingar sem eru jafnþungar og vega ekki meira en:

1.   85 g sé það úr silki, silkiúrgangi eða tilbúnum þáttum.

2.   125 g sé það úr öðru efni.

          B.     Undantekningar:

a.   Einþráða garn úr hvers konar spunaefni, þó ekki:

1.   Einþráða garn úr ull eða fíngerðu dýrahári, óbleikt.

2.   Einþráða garn úr ull eða fíngerðu dýrahári, bleikt, litað eða þrykkt, meira en 5.000 decitex.

b.   Margþráða (snúið) eða kaðalbrugðið garn, óbleikt:

1.   Úr silki eða silkiúrgangi, hvernig sem um það er búið.

2.   Úr öðru spunaefni en ull eða fíngerðu dýrahári, í hönkum eða hespum.

c.   Margþráða (snúið) eða kaðalbrugðið garn úr silki eða silkiúrgangi, bleikt, litað eða þrykkt, 133 decitex eða minna.

d.   Einþráða, margþráða (snúið) eða kaðalbrugðið garn úr hvers konar spunaefni:

1.   Í krossbrugðnum hönkum eða hespum.

2.   Umbúið á uppistöður eða á einhvern annan hátt sem gefur til kynna notkun þess í spunaiðnaði (t.d. á snældum, snúðhólkum, skyttuspólum, spuna­keilum eða teinum, eða undið á spólur í vefstóla til skrautvefnaðar).

5.      Sem saumþráður í nr. 5204, 5401 og 5508 telst margþráða (snúið) eða kaðalbrugðið garn:

a.      Umbúið á uppistöður (t.d. kefli eða hólka) sem vegur (að meðtalinni uppistöðu) ekki meira en 1.000 g.

b.      Íborið til nota sem saumþráður.

c.      Sem endar á Z-snúningi.

6.      Sem háþolið garn í þessum flokki telst garn sem hefur þol tilgreint í cN/tex (centinewton per tex) meira en:

Einþráða garn úr nyloni eða öðru pólyamíði eða úr pólyesterum .............................. 60 cN/tex

Margþráða (snúið) eða kaðalbrugðið garn úr nyloni eða öðru pólyamíði eða úr pólyesterum             53 cN/tex

Einþráða, margþráða (snúið) eða kaðalbrugðið garn úr viskósarayon ..................... 27 cN/tex

7.      Sem fullgerðar í þessum flokki teljast eftirtaldar vörur:

a.      Klipptar á annan hátt en í ferninga eða rétthyrninga.

b.      Fullgerðar og tilbúnar til notkunar (eða aðeins þarf að skilja að með klippingu skipti­þráða) og ekki þarf að sauma eða vinna frekar (t.d. sumar tegundir af þurrkum, hand­klæðum, borðdúkum, hálsklútum, ábreiðum).

c.      Sniðnar til og með a.m.k. einum hitaluktum jaðri og sýnilega mjókkuðum eða pressuðum bryddingum og hinum jöðrunum meðhöndluðum eins og lýst er í  öðrum liðum þessarar athugasemdar, þó ekki dúkur með skornum jöðrum sem komið hefur verið í veg fyrir að rakni upp með heitskurði eða öðrum einföldum hætti.

d.      Faldaðar eða með innábroti, eða með hnýttu kögri við einn jaðar eða fleiri, þó ekki dúkur með klipptum jöðrum sem gengið er frá með grófum sporum eða öðrum ein­földum frágangi til að hindra að hann trosni.

e.      Sniðnar til og þráðdregnar.

f.       Saumaðar, límdar eða settar saman á annan hátt (þó ekki metravara úr tveimur eða fleiri lengdum sama efnis sem hefur verið skeytt saman á endum, og metravara samsett úr tveimur eða fleiri lögum af spunavöru, einnig með millilagi).

g.      Prjónaðar eða heklaðar í endanlega mynd, hvort sem framvísað er sem aðgreind stykki eða tiltekin stykkjatala í lengju.

8.      Varðandi 50.-60. kafla:

a.      Til 50.-55. kafla og 60. kafla og einnig, leiði ekki annað af orðalagi, til 56.-59. kafla teljast ekki tilbúnar vörur í skilningi 7. athugasemdar hér að ofan.

b.      Til 50.-55. kafla og 60. kafla teljast ekki vörur sem teljast til 56.-59. kafla.

9.      Sem ofinn dúkur í 50.-55. kafla telst einnig dúkur sem gerður er úr lögum samsíða spunagarns sem lögð eru í hvasst eða rétt horn hvert á annað. Lög þessi eru fest saman á mótum garnsins með límingu eða varmaaðferð.

10.    Teygjanlegar vörur úr spunaefnum sem í eru gúmmíþræðir teljast til þessa flokks.

11.    Með orðinu gegndreyptur í þessum flokki er einnig átt við ídýfður.

12.    Með orðinu pólyamíð í þessum flokki er einnig átt við aramíd.

13.    Í þessum flokki og hvarvetna í tollskránni þar sem það á við er með orðinu teygjugarn átt við þráðgarn, þ.m.t. einþáttungar, úr syntetísku spunaefni, þó ekki vefkennt garn, sem slitnar ekki þótt það sé teygt þrefalda upprunalega lengd sína og, eftir að hafa verið teygt tvöfalda upprunalega lengd sína, dregur sig saman innan fimm mínútna þannig að það verður ekki yfir 11/2 upprunaleg lengd.

14.      Leiði ekki annað af orðalagi skal spunafatnaður í mismunandi vöruliðum flokkast í sína vöruliði þótt hann sé umbúinn í samstæður til smásölu. Með orðinu spunafatnaður í þessari athugasemd er átt við fatnað sem telst til nr. 6101-6114 og 6201-6211.

[15.    Leiði ekki annað af 1. athugasemd við flokk XI skal flokka spunafatnað og aðrar spunavörur, sem í eru kemískir, vélrænir eða rafrænir hlutir til aukinnar virkni, einnig sem settir hafa verið í sem innbyggðir hlutir eða inn í trefjar eða dúk, í viðkomandi vöruliði í flokki XI, enda haldi þeir  að verulegu leyti einkennum vara í þessum flokki.][4]

 

Athugasemdir við undirliði:

1.      Í þessum flokki og hvarvetna í tollskránni þar sem það á við hafa eftirfarandi hugtök þá merkingu sem þeim er hér með gefin:

a.      Óbleikt garn.

Garn sem:

1.   hefur náttúrlegan lit frumtrefja sinna og hefur ekki verið bleikt, litað (einnig gegn­litað) eða þrykkt,

2.   hefur óvissan lit (grátt garn) og unnið er úr tættu hráefni.

                   Slíkt garn má hafa hlotið aðvinnslu með litlausu efni eða óekta lit (sem hverfur eftir einfaldan sápuþvott) og, þegar um er að ræða tilbúnar trefjar, gegnunnin með efni til að eyða gljáa (t.d. títandíoxíð).

b.      Bleikt garn.

Garn sem:

1.   hlotið hefur aðvinnslu til bleikingar, er gert úr bleiktum trefjum eða, leiði ekki annað af orðalagi, hefur verið litað hvítt (einnig gegnlitað) eða fengið aðvinnslu með hvítri steiningu,

2.   gert er úr blöndu af óbleiktum og bleiktum trefjum,

3.   er margþráða (snúið) eða kaðalbrugðið og gert úr óbleiktu og bleiktu garni.

c.      Litað garn (með litunarefni eða þrykkt).

Garn sem:

1.   er litað (einnig gegnlitað) þó ekki hvítt eða í óekta lit, eða þrykkt, eða gert úr lit­uðum eða þrykktum trefjum,

2.   gert er úr blöndu óbleiktra eða bleiktra trefja með lituðum trefjum (litblendi eða garnblöndu), eða þrykkt í einum eða fleiri litum með millibili sem gefur útlit punkta,

3.   gert er úr þrykktum flísum eða ræmum,

4.   er margþráða (snúið) eða kaðalbrugðið og gert úr óbleiktu eða bleiktu garni og lituðu garni.

         Framangreindar skýrgreiningar gilda einnig, að breyttu breytanda, um einþátt­unga og ræmur eða þess háttar í 54. kafla.

d.      Óbleiktur ofinn dúkur.

Ofinn dúkur gerður úr óbleiktu garni sem hefur ekki verið bleikt­ur, litaður eða þrykktur. Slíkur dúkur má hafa hlotið aðvinnslu með litlausu efni eða óekta lit.

e.      Bleiktur ofinn dúkur.

Ofinn dúkur sem:

1.   hefur verið bleiktur eða, leiði ekki annað af orðalagi, hefur verið litaður hvítur eða fengið aðvinnslu með hvítu efni, sem metravara,

2.   er gerður úr bleiktu garni,

3.   er gerður úr óbleiktu og bleiktu garni.

f.       Litaður ofinn dúkur.

Ofinn dúkur sem:

1.   litaður er í einn jafnan lit annan en hvítt (leiði ekki annað af orðalagi) eða hefur með aðvinnslu fengið litaráferð aðra en hvíta (leiði ekki annað af orðalagi), í metratali,

2.   er gerður úr lituðu garni í einum jöfnum lit.

g.      Ofinn dúkur úr garni í mismunandi litum.

Ofinn dúkur (þó ekki þrykktur ofinn dúkur) sem:

1.   er gerður úr garni í mismunandi litum eða úr garni í mismunandi tilbrigðum sama litar (þó ekki náttúrlegum lit frumtrefjanna),

2.   er gerður úr óbleiktu eða bleiktu garni og lituðu garni,

3.   er gerður úr litblendi eða garnblöndu. (Ekki skal í neinu tilviki tekið tillit til garns í frágangi jaðra eða enda).

h.      Þrykktur ofinn dúkur.

Ofinn dúkur sem hefur verið þrykktur í metratali, einnig gerður úr garni í mismunandi litum.

(Eftirtalið telst einnig vera þrykktur ofinn dúkur: Ofinn dúkur með mynstri sem gert er t.d. með pensli eða úðabyssu, þrykkipappír, hnökri eða batikaðferð.)

Mersiaðvinnsla hefur ekki áhrif á flokkun garns eða dúks í framangreindum hugtökum.

Skýrgreiningar í d- til h-liðar hér að framan gilda, að breyttu breytanda, um prjónaðan eða heklaðan dúk.

ij.      Einfaldur vefnaður.

Dúkur þar sem hver ívafsþráður fer til skiptis yfir eða undir uppistöðuþræði sem eru í röð og hver uppistöðuþráður fer til skiptis yfir eða undir ívafsþræði sem eru í röð.

2.      A.     Vörur í 56.-63. kafla sem eru úr tveimur eða fleiri spunaefnum skulu teljast vera að öllu leyti úr því spunaefni sem fyrir valinu yrði samkvæmt 2. athugasemd við þennan flokk við flokkun á vöru í 50.-55. kafla eða í nr. 5809 úr sömu spunaefnum.

          B.     Þegar þessari reglu er beitt:

a.   skal aðeins taka tillit til þess hluta sem ákvarðar flokkunina samkvæmt túlkunarreglu 3, eftir því sem við á,

b.   skal ekki taka tillit til grunndúksins, þegar um er að ræða spunavörur úr grunndúk með flos- eða lykkjuyfirborði,

c.   skal taka tillit til grunndúksins eingöngu, þegar um er að ræða útsaum og vörur úr honum í nr. 5810. Útsaumur án sýnilegs grunns og vörur úr honum skal þó flokkaður með tilvísun til útsaumsþráðanna eingöngu.

---

59. KAFLI
Gegndreyptur, húðaður, hjúpaður eða lagskipaður spunadúkur;
spunavörur til notkunar í iðnaði

 

Athugasemdir:

1.      Leiði ekki annað af orðalagi telst spunadúkur í þessum kafla einungis ofinn dúkur í 50.-55. kafla og í nr. 5803 og 5806, fléttur og skrautleggingar sem metravara í nr. 5808 og prjónaður eða heklaður dúkur í nr. 6002-6006

2.      Til nr. 5903 telst:

a.      Spunadúkur, gegndreyptur, húðaður, hjúpaður eða lagskipaður með plasti, hver sem þungi hans er á fermetra og hvert sem eðli plastefnisins er (þétt eða með holrúmi), þó ekki:

1.   Dúkur sem ekki má sjá með berum augum að hafi verið gegndreyptur, húðaður eða hjúpaður (yfirleitt í 50.-55., 58. eða 60. kafla). Í þessu sambandi skal ekki tekið tillit til litabreytinga sem kunna að hafa átt sér stað.

2.   Vörur sem ekki er hægt að beygja með höndunum utan um hólk með 7 mm þvermáli við 15-30 °C hita án þess að þær brotni (yfirleitt 39. kafli).

3.   Vörur sem í er spunadúkur sem algerlega er hulinn plasti eða algerlega húðaður eða hjúpaður slíku efni á báðum hliðum, enda megi sjá húðina eða hjúpinn með berum augum án tillits til litabreytinga sem kunna að hafa átt sér stað (39. kafli).

4.   Dúkur húðaður eða hjúpaður að hluta til með plasti og mynstraður fyrir áhrif þessarar aðvinnslu (yfirleitt 50.-55., 58. eða 60. kafli).

5.   Plötur, blöð eða ræmur úr holplasti, í sambandi við spunadúk, þegar spunaefnið er einungis til staðar til styrkingar (39. kafli).

6.   Spunavörur í nr. 5811.

b.      Dúkur gerður úr garni, ræmum eða þess háttar, gegndreyptur, húðaður, hjúpaður eða klæddur með plasti, í nr. 5604.

[3.      Sem spunadúkur lagskipaður með plasti í nr. 5903 teljast vörur gerðar eru úr einu eða fleiri lögum úr dúk með einni eða fleiri þynnum eða filmum úr plasti sem  settar eru saman með hvers konar aðferð sem bindur lögin saman, einnig þótt þynnurnar eða filmurnar séu í þverskurði sýnilegar berum augum.][1]

[4.] [2]  Sem veggfóður úr spunaefni í nr. 5905 teljast vörur í rúllum, ekki minna en 45 cm á breidd, til vegg- eða loftskreytingar, með spunaefnisyfirborði sem fest hefur verið á grunn eða fengið hefur aðvinnslu á bakhlið (gegndreypt eða húðað til að þola límingu).

Til þessa vöruliðar telst þó ekki veggfóður gert úr spunahnökrum eða spunadusti sem fest er beint á pappírsgrunn (nr. 4814) eða á spunagrunn (yfirleitt nr. 5907).

[5.] [3]  Sem gúmmíborinn spunadúkur í nr. 5906 telst:

a.      Spunadúkur, gegndreyptur, húðaður, hjúpaður eða lagskipaður með gúmmíi og

1.   að þyngd ekki yfir 1500 g/m2, eða

2.   að þyngd yfir 1500 g/m2og úr meira en 50% af spunaefni miðað við þyngd.

b.      Dúkur sem gerður er úr garni, ræmum eða þess háttar, gegndreyptur, húðaður, hjúpaður eða klæddur með gúmmíi, í nr. 5604.

c.      Dúkur úr spunagarni sem límt er samhliða saman með gúmmíi, hver sem þungi þess er á fermetra.

Til þessa vöruliðar teljast þó ekki plötur, blöð eða ræmur úr holgúmmíi í sambandi við spunadúk sem er aðeins til styrkingar (40. kafli) eða spunavörur í nr. 5811.

[6.] [4]  Til nr. 5907 telst ekki:

a.      Dúkur sem ekki má sjá með berum augum að hafi verið gegndreyptur, húðaður eða hjúpaður (yfirleitt í 50.-55., 58. eða 60. kafla). Í þessu sambandi skal ekki tekið tillit til litabreytinga sem kunna að hafa átt sér stað.
b.      Dúkur málaður mynstri (þó ekki máluð tjöld sem eru leiktjöld, bakgrunnur í myndastofur eða þess háttar).

c.      Dúkur húðaður að hluta með hnökrum, dusti, korkdufti eða þess háttar og mynstraður fyrir áhrif þessarar aðvinnslu. Flosdúkslíki flokkast þó í þennan vörulið.

d.      Dúkur með steiningu að meginstofni úr sterkjukenndum eða áþekkum efnum.

e.      Viður spónlagður á grunn úr spunadúk (nr. 4408).

f.       Náttúrleg slípiefni eða gervislípiefni sem duft eða korn á grunni úr spunadúk (nr. 6805).

g.      Samanlímdur eða endurunninn gljásteinn á grunni úr spunadúk (nr. 6814).

h.      Málmþynnur á grunni úr spunadúk (venjulega flokkur XIV eða XV).

[7.] [5]  Til nr. 5910 telst ekki:

a.      Drifreima- eða færibandaefni úr spunaefni, að þykkt minna en 3 mm.

b.      Belti eða reimar fyrir drifbúnað eða færibönd úr spunadúk gegndreyptum, húðuðum, hjúpuðum eða lagskipuðum með gúmmíi eða gert úr spunagarni eða snúru sem er gegndreypt, húðuð, hjúpuð eða klædd með gúmmíi (nr. 4010).

[8.] [6]  Til nr. 5911 teljast eftirgreindar vörur sem ekki falla í neinn annan vörulið í flokki XI:

a.      Eingöngu neðangreind spunavara, sem metravara, klippt í lengdir eða aðeins klippt í rétthyrnda lögun (þ.m.t. ferninga) (þó ekki þær sem eðli sínu samkvæmt teljast til nr. 5908-5910):

1.   Spunadúkur, flóki og ofinn dúkur fóðraður með flóka, húðaður, hjúpaður eða lagskipaður með gúmmíi, leðri eða öðru efni til nota á kamba og áþekkur dúkur til annarra tækninota, þ.m.t. borðar úr flaueli gegndreyptir með gúmmíi, til þess að þekja vefsköft (vefbómur).

2.   Kvarnagrisja.

[3.   Síudúkur, fínn eða grófur, til nota í olíupressur eða þess háttar, úr spunaefni eða mannshári.][7]

4.   Sléttofinn spunadúkur með margþráða uppistöðu eða ívafi, einnig flókaður, gegn­dreyptur eða húðaður, til nota í vélbúnaði eða til annarra tækninota.

5.   Spunadúkur styrktur með málmi, til tækninota.

6.   Snúrur, fléttur og þess háttar, einnig húðað, gegndreypt eða styrkt með málmi, til iðnaðarnota sem þéttingar eða smurefni.

b.            Spunavörur (þó ekki vörur í nr. 5908-5910) til tækninota (t.d. spunadúkur og flóki, enda­laus eða með tengibúnaði, til nota í pappírsgerðar- eða áþekkum vélum (t.d. fyrir deig eða asbestsement), þéttingar, skinnur, fágunarskífur og aðrir vélahlutir).