Kafli 46 Framleiðsla úr strái, úr espartó eða öðrum fléttiefnum; körfugerðarvörur og tágasmíði

Engar athugasemdir

46. KAFLI
Framleiðsla úr strái, úr espartó eða öðrum fléttiefnum;
körfugerðarvörur og tágasmíði

Athugasemdir:

1.      Sem fléttiefni í þessum kafla telst efni í ástandi eða mynd sem hentar til að flétta, bregða eða áþekkrar vinnslu. Til þeirra telst strá, viðja eða tágar, bambus, spanskreyr, sef, reyr, viðarræmur, ræmur úr öðrum jurtaefnum (t.d. barkarræmur, mjó lauf og raffia eða aðrar ræmur unnar úr breiðu laufi), óspunnar náttúrlegar spunatrefjar, einþáttungar og ræmur og þess háttar úr plasti og ræmur úr pappír, en ekki ræmur úr leðri eða samsettu leðri eða flóka eða vefleysum, mannshár, hrosshár, spunaþráður eða spunagarn, eða einþáttungar og ræmur og þess háttar í 54. kafla.

2.      Til þessa kafla telst ekki:

a.      Veggklæðning í nr. 4814.                         

b.      Seglgarn, snæri, reipi eða kaðlar, einnig fléttað (nr. 5607).

c.      Skófatnaður eða höfuðfatnaður eða hlutar til hans í 64. eða 65. kafla.

d.      Ökutæki eða yfirbyggingar fyrir ökutæki úr körfugerðarvörum (87. kafli).

e.      Vörur í 94. kafla (t.d. húsgögn, [ljós og ljósabúnaður][1]).

3.      Sem fléttiefni, fléttur og áþekk framleiðsla úr fléttiefnum, bundnum saman í samhliða þætti í nr. 4601 telst fléttiefni, fléttur og áþekk framleiðsla úr fléttiefnum, lögð hlið við hlið og bundin saman, í plötum, einnig þótt bindiefnin séu úr spunnu spunaefni.