Kafli 44 Viður og vörur úr viði; viðarkol

Engar athugasemdir

Athugasemdir:

1.      Til þessa kafla telst ekki:

a.      Viður, sem spænir eða flísar, malaður, mulinn eða í duftformi, sem aðallega er notaður til framleiðslu á ilmvörum, lyfjum eða efnum til varnar gegn eða útrýmingar á skordýrum, sveppum o.þ.h. (nr. 1211).

b.      Bambus eða önnur efni viðarkyns sem aðallega eru notuð til fléttunar, óunnið, einnig klofið, sagað eftir endilöngu eða í lengdir (nr. 1401).

c.      Viður, sem spænir eða flísar, malaður, mulinn eða í duftformi, sem aðallega er notaður til litunar eða sútunar (nr. 1404).

d.      Ávirk viðarkol (nr. 3802).

e.      Vörur í nr. 4202.

f.       Vörur í 46. kafla.

g.      Skófatnaður eða hlutar til hans í 64. kafla.

h.      Vörur í 66. kafla (t.d. regnhlífar og göngustafir og hlutar til þeirra).

ij.      Vörur í nr. 6808.

k.      Glysvarningur í nr. 7117.

l.       Vörur í flokki XVI eða flokki XVII (t.d. vélahlutar, kassar, hlífar, hús fyrir vélar og tæki og vagnasmíði).

m.     Vörur í flokki XVIII (t.d. klukkukassar og hljóðfæri og hlutar til þeirra).

n.      Hlutar til skotvopna (nr. 9305).

o.      Vörur í 94. kafla (t.d. húsgögn, [ljós og ljósabúnaður][1], forsmíðaðar byggingar).

p.      Vörur í 95. kafla (t.d. leikföng, leikspil, íþróttabúnaður).

[q.      Vörur í 96. kafla (t.d. reykjapípur og hlutar til þeirra, hnappar, blýantar [og einfætur, tvífætur, þrífætur og áþekkar vörur), þó ekki burstatré og burstasköft, úr viði, til vara í nr. 9603.][2]

r.       Vörur í 97. kafla (t.d. listaverk).

2.      Sem hertur viður (densified wood) í þessum kafla telst trjáviður sem fyrir tilstilli kemískrar meðferðar, vinnslu með vélum eða öðrum tækjum hefur fengið aukinn þéttleika eða hörku ásamt auknum styrkleika eða að hann stenst betur kemísk áhrif eða áhrif frá rafmagni (sé um að ræða samanlímd lög verður vinnslan að vera önnur og meiri en traust líming).

3.      Til nr. 4414-4421 teljast vörur sem þar eru tilgreindar, úr spónaplötum eða áþekkum plötum, trefjaplötum, lagskipuðum viði, eða hertum viði, eftir því sem við á.

4.      Vörur í nr. 4410, 4411 eða 4412 geta verið unnar í þá lögun sem á við um vörur í nr. 4409, sveigðar, báraðar, gataðar, skornar eða gefin önnur lögun en ferningslaga eða rétthyrnd eða unnar á einhvern annan hátt, enda fái þær ekki við það svipmót vara í öðrum vöruliðum.

5.      Nr. 4417 tekur ekki til verkfæra ef blöð þeirra, brúnir, yfirborð eða aðrir vinnandi hlutir er gert úr einhverju þeirra efna sem tilgreind eru í 1. athugasemd við 82. kafla.

6.      Leiði ekki annað af 1. athugasemd hér að framan eða af orðalagi er með orðinu viður hvarvetna í vöruliðum þessa kafla jafnframt átt við bambus og önnur efni viðarkyns.

[Athugasemdir við undirliði:][3]

[1.][4]Sem viðarkögglar í undirlið 4401.31 teljast aukaafurðir svo sem afklippur, sag eða spæni, frá vélrænni viðarframleiðslu, húsgagnaiðnaði eða annarri viðarúrvinnslu, sem hefur verið kögglað annað hvort beint með þjöppun eða blöndun bindiefnis sem að magni er ekki meira en 3% miðað við þyngd. Slíkir kögglar eru sívalir, að þvermáli ekki yfir 25 mm og ekki yfir 100 mm að lengd.

[2.      Sem viðarkubbar í undirlið 4401.32 teljast aukaafurðir svo sem afklippur, sag eða spænir frá vélrænni viðarframleiðslu, húsgagnaiðnaði eða annari viðarúrvinnslu, sem hefur verið kögglað annað hvort beint með þjöppun eða blöndun bindiefnis sem að magni er ekki meira en 3% miðað við þyngd. Slíkir kubbar eru teningslaga, margflata eða sívalir, að minnsta þvermáli meira en 25 mm.

3.      Með S-P-F í undirlið 4407.13 er átt við sem búinn er til úr blöndu úr greni, furu og þini    þar sem hlutfall hverrar tegundar er breytilegt og óþekkt.

4.            Með Hem-þin í undirlið 4407.14 er átt við sem búinn er til úr blöndu úr vesturríkjaþöll (Western hemlock) og þini þar sem hlutfall hverrar tegundar er breytilegt og óþekkt.][5]

[1] Sbr. 33. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[2] Sbr. 1. gr. auglýsingar nr. 123/2016 (A-deild Stjórnartíðinda, gildistökudagur 1. janúar 2017).

[3] Sbr. 33. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[4] Sbr. 33. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.

[5] Sbr. 33. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022.