Kafli 42 Vörur úr leðri; reiðtygi og aktygi; ferðabúnaður, handtöskur og áþekkar hirslur; vörur úr dýraþörmum (þó ekki silkiormaþörmum)

Engar athugasemdir

42. KAFLI
Vörur úr leðri; reiðtygi og aktygi; ferðabúnaður, handtöskur og áþekkar hirslur; vörur úr dýraþörmum (þó ekki silkiormaþörmum)

Athugasemdir:

1.      Sem leður í þessum kafla telst einnig þvottaskinn (einnig hvítt þvottaskinn), lakkleður (patent), lagskipað lakkleður (laminated) og málmhúðað leður (metallised).

2.      Til þessa kafla telst ekki:

a.      Dauðhreinsað girni til læknisaðgerða eða áþekkt dauðhreinsað seymi (nr. 3006).

b.      Fatnaður og hlutir sem honum heyra til (þó ekki hanskar, belgvettlingar og vettlingar), fóðrað með loðskinni eða loðskinnsgervi eða með loðskinni eða loðskinnsgervi á ytra byrði, þó ekki aðeins sem leggingar til skrauts (nr. 4303 eða 4304).

c.      Uppsettar vörur úr neti (nr. 5608).

d.      Vörur í 64. kafla.

e.      Höfuðfatnaður eða hlutar til hans í 65. kafla.

f.       Svipur, keyri eða aðrar vörur í nr. 6602.

g.      Ermahnappar, armbönd eða glysvarningur (nr. 7117).

h.      Búnaður eða leggingar til skrauts á aktygi, eins og ístað, mél, skildir og sylgjur, fram­vísað aðskildu (venjulega flokkur XV).

ij.      Strengir, skinn fyrir trumbur eða þess háttar eða aðrir hljóðfærahlutar (nr. 9209).

k.      Vörur í 94. kafla (t.d. húsgögn, [ljós og ljósabúnaður][1]).

l.       Vörur í 95. kafla (t.d. leikföng, leikspil, íþróttabúnaður).

m.     Hnappar, þrýstitölur, smellur, smelluhnappar, hnappamót eða önnur efni og hlutar til þessara vara, hnappaefni, í nr. 9606.

3.      A.     Auk þess sem leiðir af 2. athugasemd hér að framan tekur nr. 4202 ekki til eftirfarandi:

a.   Skjóður úr þynnum úr plasti, einnig áprentaðar, með höldum, ekki hannaðar til lengri nota (nr. 3923).

b.   Vörur úr fléttiefnum (nr. 4602).

          B.     Vörur í nr. 4202 og 4203 sem í eru hlutar úr góðmálmi, málmi klæddum góðmálmi, náttúrlegum eða ræktuðum perlum eða eðalsteinum eða hálfeðalsteinum (náttúrlegum, syntetískum eða endurgerðum) flokkast í þessa vöruliði jafnvel þótt slíkir hlutar feli í sér meira en minni háttar búnað eða skreytingar, enda séu þessir hlutar ekki einkennandi fyrir vörurnar. Ef hlutarnir eru hins vegar einkennandi fyrir vörurnar flokkast þær í 71. kafla.

4.      Sem fatnaður og fylgihlutir í nr. 4203 teljast m.a. hanskar, belgvettlingar og vettlingar (þar með talið til íþrótta eða hlífðar), svuntur og önnur hlífðarföt, axlabönd, belti, axlarólar og armbönd, þó ekki úrarmbönd (nr. 9113).