Kafli 38 Ýmsar kemískar vörur

FLOKKUR VI
Vörur efnaiðnaðar eða tengds iðnaðar

Athugasemdir:

1.      A.     Vörur (aðrar en geislavirkt málmgrýti) sem svara til vörulýsingar í nr. 2844 eða 2845 skulu flokkast undantekningalaust í þessa vöruliði.

          B.     Leiði ekki annað af A-lið hér að ofan skulu vörur sem svara til vörulýsingar í nr. 2843, 2846 eða 2852 flokkast undantekningarlaust í þessa vöruliði.

2.      Leiði ekki annað af 1. athugasemd hér að ofan skulu vörur sem flokkast geta í nr. 3004-3006, 3212, 3303-3307, 3506, 3707 eða 3808, vegna þess að þær eru í afmældum skömmt­um eða til smásölu, flokkast undantekningarlaust í þessa vöruliði.

3.      Vörusamstæður (sett) úr tveimur eða fleiri aðskildum efnisþáttum sem sumir eða allir telj­ast til þessa flokks og ætlast er til að blandað sé saman svo að úr verði framleiðsluvara sem telst til flokks VI eða VII skulu flokkast í þann vörulið sem sú vara fellur undir, enda upp­fylli efnisþættirnir eftirtalin skilyrði:

a.      Augljóst sé af frágangi þeirra að nota eigi þá saman án undanfarandi endurpökkunar.

b.      Þeim sé framvísað saman.

c.      Ljóst sé að þeir eigi fyllilega saman, annað hvort vegna eðlis þeirra eða magnhlutfalls þeirra innbyrðis.

[4.      Svari vara til lýsingar eins eða fleiri vöruliða í flokki VI, vegna þess að henni sé lýst með nafni eða virkni, og einnig í nr. 3827, flokkast varan undir þann vörulið sem höfðar til heitis vörunnar eða virkni en ekki undir nr. 3827.][1]

[1] Sbr. 21. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022

38. KAFLI
Ýmsar kemískar vörur

Athugasemdir:

1.      Til þessa kafla teljast ekki:

a.      Aðgreind kemískt skýrgreind frumefni eða sambönd með þeim undantekningum er nú greinir:

1.   Gervigrafít (nr. 3801).

2.   Efni til varnar gegn eða útrýmingar á skordýrum, nagdýrum, sveppum og illgresi, efni til að hindra spírun, efni til að stjórna plöntuvexti, sótthreinsandi efni og áþekkar vörur í því formi sem lýst er í nr. 3808.

3.   Efni umbúin sem hleðslur fyrir slökkvitæki eða sem slökkvihylki (nr. 3813).

4.   Staðfest viðmiðunarefni sem tilgreint er í athugasemd 2. hér á eftir.

5.   Vörur tilgreindar í a- eða c-liða 3. athugasemdar hér á eftir.

b.      Blöndur kemískra efna og fæðu eða annarra efna sem hafa næringargildi og notaðar eru við framleiðslu matvæla (yfirleitt nr. 2106).

[c.       Vörur í nr. 2404.][1]

[d.][2]Gjall, aska og leifar (þar með talið dreggjar, þó ekki skolpdreggjar), sem innihalda málma, arsenik eða blöndur þeirra og uppfylla skilyrði í a- eða b-liða 3. athugasemd við 26. kafla (nr. 2620).

[e.][3]    Lyf (nr. 3003 eða 3004).

[f.][4]    Notaðir hvatar sem notaðir eru til vinnslu á ódýrum málmum eða til framleiðslu á kemískum samböndum úr ódýrum málmum (nr. 2620), notaðir hvatar sem aðallega eru notaðir til endurheimtu góðmálma (nr. 7112) eða hvatar myndaðir úr málmi eða málmblendi, t.d. í formi fínskipts dufts eða ofinnar grisju (flokkur XIV eða XV)

2.      A.     Sem staðfest viðmiðunarefni í nr. 3822 teljast viðmiðunarefni þegar þeim fylgir skírteini sem gefur til kynna gildi hinna staðfestu eiginleika, þær aðferðir sem notaðar voru til að ákvarða slík gildi og að hvaða marki treysta má hverju gildi, enda séu þau hæf til greiningar, kvörðunar eða viðmiðunar.

          B.     Að undanteknum vörum í 28. eða 29. kafla, skal nr. 3822 ganga fyrir öllum öðrum vöruliðum í tollskránni við flokkun staðfestra viðmiðunarefna.

3.      Eftirtaldar vörur teljast undantekningarlaust til nr. 3824:

a.      Ræktaðir kristallar (þó ekki optískar vörur) úr magnesíumoxíði eða úr halíðum al­kalímálma eða jarðalkalímálma, 2,5 g að þyngd eða meira hver einstakur kristall.

b.      Fúsilolía og Dippelolía.

c.      Blekeyðandi efni í smásöluumbúðum.

d.      Efni í smásöluumbúðum til leiðréttingar á stenslum, aðrir leiðréttingarvökvar og leiðréttingarbönd (þó ekki vörur í vörulið 9612).

e.      Hitakeilur úr leir (ceramic firing testers), bræðanlegar (t.d. Seger-keilur).

4.      Hvarvetna í tollskránni er með sorpi bæjar- og sveitarfélaga átt við sorp sem safnað er frá heimilum, hótelum, veitingastofum, spítölum, verslunum, skrifstofum, o.þ.h., uppsóp frá götum og gangstéttum, og einnig úrgang frá byggingarstarfsemi og niðurbroti. Í sorpi bæjar- og sveitarfélaga er venjulega fjölbreytt efni svo sem plast, gúmmí, timbur, pappír, spunavörur, gler, málmar, fæðuefni, skemmd húsgögn og aðrir skemmdir eða yfirgefnir hlutir. Sorp bæjar- og sveitarfélaga tekur þó ekki til:

[a.      Einstakra efna eða hluta sem aðgreindir eru frá sorpinu, t.d úrgangur úr plasti, gúmmíi, timbri, pappír, spunavöru, gleri eða málmar, rafmagns- og rafeindaúrgangur og -rusl (einnig notaðar rafhlöður) sem flokkast í viðeigandi vöruliði tollskrárinnar.][5]

b.      Úrgangs frá iðnaði.

c.      Úrgangs lækningavara eins og hann er skýrgreindur í athugasemd nr. 4. k. við 30. kafla.

d.      Klínísks úrgangs eins og hann er skýrgreindur í athugasemd nr. 6. a. hér á eftir.

5.      Sem skolpdreggjar í nr. 3825 teljast dreggjar frá frárennsli hreinsistöðva í borgum, þar með talið úrgangur fyrir vinnslu, óhreinindi eftir hreinsun og óunnar dreggjar. Unnar dreggjar sem nothæfar eru sem áburður eru undanþegnar (31. kafli).

6.      Sem annar úrgangur í nr. 3825 telst:

a.      Klínískur úrgangur, það er mengaður úrgangur frá læknisfræðilegum rannsóknum, sjúkdómsgreiningu, meðferð sjúklinga eða öðrum störfum lyflækna, skurðlækna, tannlækna eða dýralækna, sem oft inniheldur sýkla og lyfjaefni sem þarfnast sérstakrar eyðingarmeðferðar (t.d. óhreinar sáraumbúðir, notaðir hanskar og notaðar sprautur).

b.      Úrgangur lífrænna upplausnarefna.

c.      Úrgangur af sýrubaði málma, vökvum fyrir vökvabúnað, hemlavökva og frostlegi.

d.      Annar úrgangur frá kemískum eða skyldum iðnaði.

Sem annar úrgangur telst þó ekki úrgangur að meginstofni úr jarðolíum eða olíum fengnum úr tjörukenndum steinefnum (nr. 2710).

[7.      Sem lífdísilolía (biodiesel) í vörulið 3826 teljast mono-alkylesterar úr fitusýrum sem notað er sem eldsneyti, fengið úr dýr-, jurta- eða örverufeiti eða -olíum, einnig notuðum.][6]

Athugasemdir við undirliði:

[1.      Undirliðir 3808.52 og 3808.59 taka aðeins til vara í nr. 3808 sem innihalda eitt eða fleiri eftirfarandi efna: alaklór (ISO); aldíkarb (ISO); aldrín (ISO); asínfos-metýl (ISO); binapacrýl (ISO); camfeklór (ISO) (toxafen); kaptafól (ISO); karbófúran (ISO; klórdan (ISO); klórdímeform (ISO); klóróbensílat (ISO); DDT (ISO) (klófenótan (INN), 1,1,1-tríklóró-2,2-bis(p-klórófenýl)etan); díeldrín (ISO, INN);  4,6-dínítró-o-kresól (DNOC (ISO)) eða sölt þess; dínóseb (ISO), sölt þess eða esterar þess; endósúlfan (ISO); etýlendíbrómíð (ISO) (1,2-díbrómetan); etýlendíklóríð (ISO) (1,2-díkóróetan); flúoróasetamíð (ISO); heptaklór (ISO); heptaklóróbensen (ISO); 1,2,3,4,5,6-hexaklórósýklóhexan  (HCH (ISO)), einnig lindan (ISO, INN); kvikasilfurssambönd; metamídófos (ISO); mónókrótófos (ISO); oxarian (etýlenoxíð); paraþíón (ISO);  paraþíon-metýl (ISO) (metýl-paraþíon); pentaklórófenól (ISO), sölt þess eða esterar þess; perflúoró­oktansúlfónsýra og sölt hennar; perflúoróoktansúlfónamíð; perflúoróoktan­súfónýlflúoríð; fosfamídón (ISO); 2,4,5-T (ISO) (2,4,5- tríklórófenoxýediksýra), söld hennar eða esterar hennar; tríbútýltinsambönd; tríklórfón (ISO).][7]

2.     Undirliðir 3808.61 til 3808.69 taka aðeins til vara í vörulið 3808 sem innihalda alfasípermetrín (ISO); bendíókarb (ISO); bífentrín (ISO); klórfenapýr (ISO); sýlútrín (ISO); deltametrín (INN, ISO); etófenprox (INN); fentríóþóín (ISO), lambda-sýhalótrín (ISO), malaþíón (ISO), pírimífos-metýl (ISO) eða própoxúr (ISO).

[3.      Undirliðir 3824.81 til 3824.89 taka aðeins til blandna og framleiðslu sem inniheldur eitt eða fleiri eftirtalinna efna: oxíran (etylenoxíð); fjölbrómuð bífenýl (PBB); fjölklóruð bífenýl (PCB); fjölklóruð terfenýl (PCT); tris(2,3-díbrómprópýl) fosfat; aldrín (ISO); kamfeklór (ISO) (toxafen); klórdan (ISO); klórdekón (ISO); DDT (ISO) (klófenótan (INN); 1,1,1-tríklóró-2,2-bis(p-klórfenýl)etan); díeldrín (ISO, INN); eldósúlfan (ISO); endrín (ISO); heptaklór (ISO), mírex (ISO); 1,2,3,4,5,6-hexaklórósýklóhexan (HCH (ISO)), þ.m.t. lindan (ISO, INN); pentaklóróbensen (ISO); hexaklóróbensen (ISO); perflúoróoktansúlfónsýra, sölt hennar; perflúoróoktansúlfónamíð; perflúoróoktansúlfónýlflúoríð; tetra-, penta-, hexa-, hepta- eða oktabrómódífenýleterar; keðjustutt klóruð paraffín.

Keðjustutt klóruð paraffín eru blöndur úr efnum með hærra klórstigi en 48%  miðað við þyngd með eftirfarandi sameindarformúlu: C_xH_(2x-y+2)Cly, þar sem x=10 - 13 og y = 1 - 13.][8]

4.][9]   Sem úrgangur lífrænna upplausnarefna í nr. 3825.41 og 3825.49 telst úrgangur að meginstofni úr lífrænum upplausnarefnum, sem ekki er hæfur til frekari nota í því formi sem frumvara, einnig þótt hann sé ætlaður til endurvinnslu á upplausnarefnum.