Kafli 29 Lífræn efni

FLOKKUR VI
Vörur efnaiðnaðar eða tengds iðnaðar

Athugasemdir:

1.      A.     Vörur (aðrar en geislavirkt málmgrýti) sem svara til vörulýsingar í nr. 2844 eða 2845 skulu flokkast undantekningalaust í þessa vöruliði.

          B.     Leiði ekki annað af A-lið hér að ofan skulu vörur sem svara til vörulýsingar í nr. 2843, 2846 eða 2852 flokkast undantekningarlaust í þessa vöruliði.

2.      Leiði ekki annað af 1. athugasemd hér að ofan skulu vörur sem flokkast geta í nr. 3004-3006, 3212, 3303-3307, 3506, 3707 eða 3808, vegna þess að þær eru í afmældum skömmt­um eða til smásölu, flokkast undantekningarlaust í þessa vöruliði.

3.      Vörusamstæður (sett) úr tveimur eða fleiri aðskildum efnisþáttum sem sumir eða allir telj­ast til þessa flokks og ætlast er til að blandað sé saman svo að úr verði framleiðsluvara sem telst til flokks VI eða VII skulu flokkast í þann vörulið sem sú vara fellur undir, enda upp­fylli efnisþættirnir eftirtalin skilyrði:

a.      Augljóst sé af frágangi þeirra að nota eigi þá saman án undanfarandi endurpökkunar.

b.      Þeim sé framvísað saman.

c.      Ljóst sé að þeir eigi fyllilega saman, annað hvort vegna eðlis þeirra eða magnhlutfalls þeirra innbyrðis.

[4.      Svari vara til lýsingar eins eða fleiri vöruliða í flokki VI, vegna þess að henni sé lýst með nafni eða virkni, og einnig í nr. 3827, flokkast varan undir þann vörulið sem höfðar til heitis vörunnar eða virkni en ekki undir nr. 3827.][1]

[1] Sbr. 21. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022

29. KAFLI
Lífræn efni

Athugasemdir:

1.      Leiði ekki annað af orðalagi skal til vöruliða þessa kafla einungis telja eftirfarandi:

a.      Aðgreind kemískt skýrgreind lífræn sambönd, einnig með óhreinindum.

b.      Blöndur af tveimur eða fleiri myndbrigðum (isomers) hins sama lífræna sambands (einnig með óhreinindum), þó ekki blöndur af myndbrigðum raðtengdra (acyclic) kolvatnsefna (þó ekki myndbrigðaspegilmyndum), einnig mettaðra (27. kafli).

c.      Efni í nr. 2936-2939 eða sykrueterar, sykruasetöl og sykruesterar og sölt þeirra í nr. 2940 eða efni í nr. 2941, einnig kemískt skýrgreind.

d.      Efni sem nefnd eru í a-, b- eða c-lið hér að ofan uppleyst í vatni.

e.      Efni sem nefnd eru í a-, b- eða c-lið hér að ofan leyst upp í öðru upplausnarefni en vatni, enda sé vanalegt og nauðsynlegt að hafa efni þessi í uppleystu formi af öryggis­ástæðum eða vegna flutnings og upplausnarefnið geri efnið sjálft ekki hæfara til notk­unar í sérstöku skyni en hinna almennu nota.

f.       Efni sem nefnd eru í a-, b-, c-, d- eða e-lið hér að ofan og blönduð hafa verið efnum nauðsynlegum til að halda þeim í óbreyttu ástandi í geymslu eða flutningi (þar með talin efni til að hindra kekkjun).

[g.       Efni sem nefnd eru í a-, b-, c-, d-, e- eða f-lið hér að ofan og blönduð hafa verið rykvarnar-, litar- eða ilmefni eða  uppsölulyfi til auðkennis eða af öryggisástæðum, enda verði efnin sjálf við þá blöndun ekki hæfari til notkunar í sérstöku skyni en hinna almennu nota.][1]

h.      Eftirtalin efni, þynnt í staðalstyrkleika til framleiðslu á asóleysilitum: Díasóníumsölt, tengilefni þeirra og díasóteranleg amín og sölt þeirra.

2.      Til þessa kafla telst ekki:

a.      Vörur sem teljast til nr. 1504 eða hrátt glýseról í nr. 1520.

b.      Etylalkóhól (nr. 2207 eða 2208).

c.      Metan eða própan (nr. 2711).

d.      Kolefnissambönd nefnd í 2. athugasemd við 28. kafla.

e.      Ónæmisfræðilegar vörur í vörulið 3002.

f.       Þvagefni (nr. 3102 eða 3105).

g.      Litunarefni úr jurta- eða dýraríkinu (nr. 3203); syntetísk lífræn litunarefni, syntetísk lífræn efni notuð sem flúrbirtugjafi eða ljóm (luminophores) (nr. 3204) eða leysilitir eða önnur litunarefni í þeirri mynd eða umbúðum sem ætlað er til smásölu (nr. 3212).

h.      Ensím (nr. 3507).

ij.      Metaldehýð, hexametylentetramín eða áþekk efni mótuð (t.d. töflur, stafir eða þess háttar) til notkunar sem eldsneyti, eða fljótandi eldsneyti eða fljótandi gas í umbúðum sem notaðar eru til fyllingar eða endurfyllingar á vindlinga- eða áþekka kveikjara og ekki taka meira en 300 cm3(nr. 3606).

k.      Efni umbúin sem hleðslur fyrir slökkvitæki eða sem slökkvihylki í nr. 3813; blekeyðandi efni í smásöluumbúðum í nr. 3824.

l.       Optískar vörur, t.d. etylendíamíntartrat (nr.9001).

3.      Vörur sem flokka má í tvo eða fleiri vöruliði þessa kafla skulu flokkaðar í síðasta vöruliðinn.