Kafli 26 Málmgrýti, gjall og aska

Engar athugasemdir

26. KAFLI
Málmgrýti, gjall og aska

Athugasemdir:

1.      Til þessa kafla telst ekki:

a.      Gjall eða áþekkur iðnaðarúrgangur, unninn sem mulningur (nr. 2517).

b.      Náttúrlegt magnesíumkarbónat (magnesít), einnig brennt (nr. 2519).

c.      Dreggjar úr geymslutönkum fyrir jarðolíur, sem að mestu leyti eru úr þess háttar olíum (nr. 2710).

d.      Tómasgjall er telst til 31. kafla.

e.      Gjallull, steinull eða önnur áþekk ull úr steinefnum (nr. 6806).

f.       Úrgangur eða rusl úr góðmálmi eða málmi klæddum góðmálmi; annar úrgangur eða rusl sem inniheldur góðmálm eða góðmálmssambönd, aðallega notað til endurheimtu góðmálms [(nr. 7112 eða 8549)][1].

g.      Kopar-, nikkil- eða kóbaltsteinn framleiddur við hvers konar bræðslu (flokkur XV).

2.      Sem málmgrýti í nr. 2601-2617 teljast steinefni sem notuð eru í málmiðnaði til vinnslu á kvikasilfri, málmum í nr. 2844 eða málmum í flokki XIV eða XV, einnig þótt þau séu til annars en málmvinnslu. Nr. 2601-2617 taka hins vegar ekki til steinefna sem hafa sætt meðferð sem ekki getur talist venjuleg í málmiðnaði.

3.      Nr. 2620 tekur aðeins til:

a.      Gjalls, ösku og leifa sem notaðar eru í iðnaði, annað hvort til málmvinnslu eða til framleiðslu á kemískum málmsamböndum, þó ekki til ösku og leifa frá sorpbrennslu bæjar- og sveitar­félaga (nr. 2621), og

b.      gjalls, ösku og leifa sem í er arsenik, einnig með málminnihaldi, til notkunar við vinnslu á arseniki eða málmum eða til framleiðslu á kemískum samböndum þeirra.

Athugasemdir við undirliði:

1.      Sem dreggjar af blýbensíni og blýkenndum efnasamböndum til varnar gegn vélabanki í nr. 2620.21 teljast dreggjar úr geymslutönkum fyrir blýbensín og blýkennd efnasambönd til varnar gegn vélabanki (t.d. tetraetylblý) sem eru að meginhluta úr blýi, blýsamböndum og járnoxíði.

2.      Gjall, aska og leifar, sem í er arsenik, kvikasilfur, tallíum eða blöndur þeirra, til notkunar við vinnslu á arseniki eða þessum málmum eða til framleiðslu á kemískum samböndum þeirra skulu flokkast í nr. 2620.60.

[1] Sbr.  19. tl. 1. gr. auglýsingar Fjármála og efnahagsráðuneytisins um breyting á viðauka I við tollalög nr. 88/2005, gildistökudagur 1. janúar 2022