Kafli 06 Lifandi tré og aðrar plöntur; blómlaukar, rætur og þess háttar; afskorin blóm og lauf til skrauts

6. KAFLI
Lifandi tré og aðrar plöntur; blómlaukar, rætur og þess háttar;
afskorin blóm og lauf til skrauts

Athugasemdir:

1. Leiði ekki annað af orðalagi síðari hluta nr. 0601 teljast aðeins til þessa kafla lifandi tré og vörur (þar með taldir græðlingar) sem gróðrarstöðvar eða blómaverslanir hafa venjulega á boðstólum til gróðursetningar eða skreytingar. Til kaflans teljast þó ekki kartöflur, matlauk­ur, skalottlaukur, hvítlaukur eða aðrar vörur í 7. kafla. 2. Til nr. 0603 eða 0604 teljast einnig vendir, blómakörfur, kransar og áþekkar vörur, sem gerðar eru að öllu leyti eða að hluta úr þeim vörum, án tillits til fylgihluta úr öðrum efnum. Til þessara vöruliða teljast þó ekki klippimyndir og áþekkar veggskreytingar í nr. 9701.

Skilgreiningar:

Þessi kafli tekur yfir allar lifandi plöntur sem venjulega eru seldar í garðyrkjustöðvum, garðplöntu­stöðvum eða blómaverslunum til útplöntunar eða skrauts, svo sem tré, runna, grænmetisplöntur til útplöntunar (hér með taldar lækningajurtir til útplöntunar og síkoríuplöntur og rætur, undanskilið er þó rætur sem falla undir vörulið nr. 1212, þó að þessi vara sé venjulega ekki seld í garðyrkjustöðvum, garðplöntustöðvum eða blóma­verslunum).

Kaflinn tekur ekki yfir ávexti og fræ (8. og 12. kafli) og ekki heldur viss hnýði eða lauka (kartöflur, skalottlauk, hvítlauk og aðra matarlauka), sem eru bæði notuð til matar og til útplöntunar (7. kafli).

Sjá nánar í skjalinu skilgreiningar á vörum í 6. kafla tollskrár (pdf 112KB)