Kafli 04 Mjólkurafurðir; fuglaegg; náttúrlegt hunang; ætar vörur úr dýraríkinu, ót.a.

FLOKKUR I
Lifandi dýr; vörur úr dýraríkinu

Athugasemdir:

4. KAFLI
Mjólkurafurðir; fuglaegg; náttúrlegt hunang; ætar vörur úr dýraríkinu, ót.a.

Athugasemdir:

1.      Sem mjólk telst nýmjólk eða fleytt mjólk að hluta eða öllu leyti.

[2.      Jógúrt í nr. 0403 má vera kjörnuð eða bragðbætt og innihalda viðbættan sykur eða önnur sætiefni, ávexti, kakaó, súkkulaði, krydd, kaffi eða kaffikjarna, jurtir, jurtahluta, korn eða bakaravörur, að því tilskildu að viðbætt efni séu ekki notuð í þeim tilgangi að koma að hluta eða öllu leyti í stað efnisþátta mjólkur og framleiðsluvaran halda að verulegu leyti einkennum jógúrtar.][1]

[3.][2]   Í nr. 0405 er með:

a.      Smjöri átt við náttúrlegt smjör, mysusmjör eða samsett smjör (nýtt, saltað eða þræsið, þar með talið smjör í dósum) sem unnið er eingöngu úr mjólk, sem inniheldur mjólkurfitu sem er meira en 80% en ekki meira en 95% miðað við þyngd, föst mjólkurefni án fitu að hámarki 2% miðað við þyngd og vatn að hámarki 16% miðað við þyngd. Smjör inniheldur ekki viðbætt bindiefni, en getur innihaldið natríumklóríð, matarlit, hlutleysandi sölt og ræktaða skaðlausa gerla sem gefa af sér mjólkursýru.

b.      Mjólkurviðbiti átt við smyrjanlega þeytu af gerðinni ,,vatn í olíu¿, sem inniheldur mjólkurfitu sem einu fitu í vörunni, með mjólkurfituinnihaldi sem er 39% eða meira en minna en 80% miðað við þyngd.

[4.][3]   Vörur sem fengnar eru með þykkingu mysu og með íblöndun mjólkur eða mjólkurfitu skulu flokkaðar sem ostur í nr. 0406 enda sé eftirfarandi þrennt einkennandi fyrir þær:

a.      Fituinnihald sem er 5% eða meira miðað við þyngd þurrefnisins.

b.      Þurrefnisinnihald sem er miðað við þyngd að minnsta kosti 70% en ekki meira en 85%.

c.      Þær séu mótaðar eða mótanlegar.

[5.][4]   Til þessa kafla telst ekki:

[a.      Dauð skordýr, óhæf til manneldis (nr. 0511).][5]

[b.][6]   Vörur fengnar úr mysu sem innihalda miðað við þyngd þurrefnis meira en 95% af lakt­ósa og nefndar eru vatnsfrír laktósi (nr. 1702); [...][7]

[c.][8]    Vörur fengnar úr mjólk með því að skipta út einum eða fleiri náttúrulegum þáttum hennar (t.d. mjólkurfitu) fyrir aðra þætti (t.d. jurtafitu) (vöruliðir 1901 eða 2106); eða

[d.][9]   Albúmín (þar með talið kirni tveggja eða fleiri mysupróteína sem innihalda miðað við þyngd þurrefnis meira en 80% af mysupróteínum) (nr. 3502) eða glóbúlín (nr. 3504).

[6.      Með skordýrum í nr. 0410 er átt við æt dauð skordýr, heil eða í hlutum, ný, kæld, fryst, þurrkuð, reykt, söltuð eða í saltlegi, svo og skordýramjöl, fín- eða grófmalað, hæft til manneldis. Nr. 0410 tekur þó ekki til dauðra skordýra sem hafa verið unn­in eða varin skemmdum á annan hátt (almennt flokkur IV).][10]